Vietnam Rangers a kalele po Oshana medhingoloko 32 lyaBidvest

0
197

KuShipi Elago

OSHAKATI-Osipana yo Vietnam Rangers oye shi pondola okudhenga mo Khuse Football Club medhingoloko lyahugunina  lyuudhano wo Bidvest wOshana mboka wali wadhanenwa mokapale kEmanguluko mOshakati ehuuliloshiwike lyaziko.

Nonando Khuse okwali eya muudhano mbuka nondjokonona ombwaanawa yomasindano noyendji oyali nale taya tengeneke kutya oye taka sindana po uudhano mbuka, Vietnam Rangers okwe kiikutha kohi, e te mu dhemudhenge mo.

Khuse okwali a tameke shili nokweendelela unene nokwa li ta ponoka noonkondo nelalakano a tule mo okoola yotango, ashike shika inashi ka ningwa oshoka Vietnam okwali eshi ulike kutya ye Osipana onkulu na okuna ontseyo momaudhano gopombanda.

Oonkambadhala dha Khuse okutula mo okoola odhali dha yiwa moshipala konima sho Vietnam a li a thangele mo okoola ombwanawa okupitila momudhani gwawo gokomeho Stefanus ‘Dux’Nampila ngoka a li a tula mo okola medhingoloko lyotango.

Okoola ya Dux oyali ya eta eyalulo likale 1-0 pethimbo lyokafudhepo .

Khuse sho azi pokafudhepo okwali a tsikile nokuponoka unene tuu omudhani gwawo gwokomeho Martin Valombola ngoka anika oshiponga okwali a gandja omalimbililo kaadhani yokonima yoVietnam ashike inashi ya etela okoola.

Vietnam okwali a ulike ontseyo ye mokatanga nokonyala a gwedheko keyalulo lye shalongo omukwati gwa Khuse ali alungundja shokambishi.

Eyalulo konima yokahiya ka hugunina olya li Vietnam Rangers 1-0 Khuse FC, naashika oshape Vietnam ompito yaandjuka okuka kutha ombinga muudhano woosipana 32 ndyoka tali kakalako pehulilo lya January .

Vietnam okwali a pewa okapandi ko N$10 000, onga enyakwa lyopashitopolwa omanga Khuse a li a toolapo N$5000.

Uudhano mbuka owali wa kuthwa ombinga koosipana dhili 12 ndhoka hadhi kutha ombinga muudhano wo Second Division mOshana.

LEAVE A REPLY

Please enter your comment!
Please enter your name here