A holoka mompangu molwedhipago

0
215

KuLoide Jason

ONGWEDIVA – Omusamane gwomimvo omilongo 52 okwa holoka mompangu yaMangistrata moKahao ta tamanekelwa edhipago lyomulumentu gwomimvo 28 ngoka  anuwa a adha ta kambadhala oku teya ositola.

Okwa hokololwa kutya  ongulohi yEtitano lya ziko, Moses Ekandjo okwa li a lala pokandunda ke puundingosho sho a uvu omainyengo limbilike.

“Sho aniwa a penduka okwa a dha omulumentu a thikama pondje yetungo lye ete mu yaha. Nakuyahwa otaku hokololwa opo a sile mpoka ,” Warrant Lineekela Shikongo a fatulula  ngaaka.

Okwati kapena naananaa uuyelele wa gwana mboka tawu ulike kutya nakusa okwali oye awike nenge pamwe okwa li na yakwawo mboka tashi vuluka ya fadhuka po konima yo shi ningwanima shika.

Ekandjo okwa holoka mompangu yaMangestrata mOkahao Omaandaha oshiwike shika metamaneko lyedhipago.

Ngashingeyi oku li mondholongo mOkahao.Aakwanezimo lya nakusa ayehe oya tseyithilwa noosa ndhika otadhi lililwa paandjawo pOmuthitu mOkahao.

 

LEAVE A REPLY

Please enter your comment!
Please enter your name here