A geya sho onyama ye yondoongi ya yakwa po

0
376

KuMaria Namupala

ONANKALI – Omukalimo gwomomukunda Onyati mOndonga ota nyeyeta sho yamwe yomaanamukunda aakwao ya li po ondongi ye ndjoka ya li ya lyatwa nokusila popate.

Abraham Shikongo okwa ti oondoongi ndhe mbali odha kala kaadhi wetike, nokwala nokudhi konga ashike anuwa inaye dhi mona.

“Otwa kala tatu kongo koshiheke, nokonima yomasiku gaali ondali nda lopotelwa kutya oondoongi adhihe mbali odha lyatelwa pooha dhopate, ondali nda ningi onkambadhala opo ndiyeko ndi kedhi tale ko ashike inandi dhi adhapo mpoka dhali,” Shikongo ta ti.

Ta hokolola kutya okwali a pula mboka yemu lombwele nokwa kutya odha kuthwa po kaasamane yamwe, anuwa eke dhi yuya. Shikongo tati okwali eya landula ashike okwa adha owala puna onyama yandoongi gumwe yo yimwe kayipo.

“Onda kala tandi ya pula opo ya lombwele ndje mpoka ya fala ndoongi gumwe oshoka nomutse ka gwalipo, petameko kayali ya hala  oku lombwela ndje kutya oyili peni nokonima oya ka lombwela ndje kutya anuwa ndoongi gumwe oye mwii topolele po naakwashigwana mboka ya yuyu,” ta gwedha po nga.

Shikongo okwali a lombwelwa kutya onyama yondoongi ndjoka yimwe oya landithwapo, no ina pewa nande oshimaliwa shasha. Okwali a lopotele mwene gwomukunda gwawo ngono tati ine mu pa eyamukulo tali mbilipalele. Tati aakalimo yopomudhingoloko ngoka oyeshi igilila hasho oshikando shotango ta ya lipo oonyama dhoondoongi dhaantu yalwe ngaaka.

“Olundji ngele iimuna ya lyatwa mondjila moka mboka yeshi mono iha ye shi lopota ohaya yuyu owala yo taya lipo onyama yoshinamwenyo shaantu, ngweye to kala owala to kongo oshimuna shoye ihe nani osha liwapo nale ku walye,” Ta gwedha po. Ta indile ooyene yomikunda ya tule po ompango opo ngele pwa lyatwa oshimuna onyama kaa yi gumwe manga inaapu monika mwene gwasho.

LEAVE A REPLY

Please enter your comment!
Please enter your name here