Iikombo 46 mOmusati ya lika po kenima

0
262

KuLoide Jason

ONGWEDIVa-Aakalimo yopomukunda Elondo west mUukolonkadhi oya kanitha iikombo yili 46 sho aniwa ya thipwa ombinzi kenima kaali shiwike  muule womasiku geli gatano.

Uuyelele mbuka owa li wa gandjwa ku Kansela  gwoshikandjohogololo shaNesi  ngoka ati ye woo okuli a limbililwa koshinima shika.

Enima ndyoka tali fekelwa kutya olya fa lina mwene olya tameke okulya iimuna pomukunda okuza mEtine lyoshiwike sha ziko sigo Omaandaha goshiwike shika.

Kanyere okwati ye pamwe naanamukunda oya li yiithana aanambelewa yokombelewa yiiyamakuti mboka yeya lombwele kutya ekaha lyoshilikama shoka inali fa nande ekaha lyiikwakuti.

“Aakwashigwana otaya fekele kutya enima ndyoka olya fa lina mwene na olya gwayako kondjala, “ Kansela a hokolola asa uunye nelimbililo.

Okwati woo kutya anuwa oya ninga onkambadhala okuli konga ashike inaye limona oshoka oha lili ashike iimuna uusiku.

Kakele kenima ndyoka  yaali yomaakalimo yomOnesi oya tulwa pomutenya komvula sho iikombo yawo omulongo nashimwe yasi omeya metine lyoshiwike shaziko.

Uuyelele mboka wagandjwa kukanesela gwoshikandjohogololo shoka Titus Kanyele okwati kutya omvula ndjoka ya loka shinyanyalitha oyali yadhipaga iikombo omulongo nashimwe mbyoka ya adhikile moshana komvula.

“ Omvula oyali yaloka uuwindji wuthike poomilimeter 120 na iikombo mbyoka oyali ya yi sigo tayi ninginine momeya. Ashike ooyene yawo kayena nkene ya ninga oshoka omvula oyo ya dhipaga iikombo,” Kanyele  a lombwele Kundana.

Kanyele okwati kakele kiikombo mbyoka yasi omeya omagumbo galwe woo nago ogali ga udhililwa komeya.

Momagumbo ngoka gali ga udha omeya gomvula omwa kwatelwa woo lyElenga enene lyUukolonkadhi, Daniel Shoya ashike kansela okwati ngashingeyi omeya oga pwina oshoka omvula inayi tsikila we okuloka.

 

LEAVE A REPLY

Please enter your comment!
Please enter your name here