Kilimanjaro oyina omatokolo omanene gomvula 2015

0
229

KuShipi Elago

OSHAKATI-Kilimanjaro Boxing Club otayi ningi oompangela nomalongekidho omanene gonuumvo nonando oyili natango mompumbwe yoshimaliwa.

“Omumvo gwo2014 ogwali shili gwelago koKalaba yetu unene tuu sho twa li twa mono omasindano ogendji muudhano mboka twa li twa kutha ombinga moka okalaba ya li yi ilikolele omakopi geli ga ne” Benhard tati.

Okwati otaya ka uunganeka uudhano woongonyo kuyele nuumvo mboka wa tengenekwa oku ka dhanwa pehulilo lya Februali.

Benhard okwati oye na elago unene sho ongeshefa yo Konyak Guest house no Ndilimani Grave Stone yali ye ya kwashilipaleke pashimaliwa opo ya vule oku ka etapo uudhano woludhi nduka.

Okwati ongeshefa yo Ndilimani oya nyanyukilwa iilonga mbyoka Okalaba ndjika tayi ningi moshigwana onkene ya tokola oku kwashilipaleka Kilimanjaro noshimaliwa nando omwaalu inagu tseyika natango pethimbo ndika oshoka oonkundathana odhili natango metifa.

Benhard okwati  Uudhano mbuka ota wu ka landulwa kethigathano lyaadhani mboka yeli pomuthika gwaa dhengingonyo paithano naambuka otawu ka kuthwa ombinga ombinga komanyakwa guudhano woBokisa moshilongo.

Okwati otaya ka unganeka wo omaudhano gethike pu ga 5 gaadhani mboka opo ta ye ya pomahala gayooloka moNooli, tati oya hala okufala omaudhano koshigwana

Benhard ota pandula oongeshefa adhihe ndhoka dhali dheya kwathele omumvo gwa piti ta ti omakwatho gawo ina ga hepa.

LEAVE A REPLY

Please enter your comment!
Please enter your name here