Oluvalo talu li oondunga kondjala manga yina a ka shingitha

1
320

KuMaria Namupala

OMANDONGO – Omukiintu gwoomvula omilongo mbali nahamano, gwomomukunda Omandongo moshikandjohogololo Onayena okwali a lopotwa ta hepekee oyana.

Shino oshali sha monika sho gumwe gwomomukunda ogo tuu ngoka, ali ta ende moSoondaha ya piti no kwali a piti pegumbo mpoka. “Ondali nda mono uunona wa thikama momugongo noshali sha thiminike ndje  opo ndiye ndi tale shoka tawu ningi oshoka omvula oyali yili poku puuka, uunona mbuno sho ndeya po puwo onda adha tawu thithina oongongo,tandi wu pula kutya yina okwayi peni kamwe hono haka popi okali kati okwayi kuundingosho,” Omushiinda ta hokolola ngaaka.

Aashiinda oyali ya gongala no ya li ya ithana opolisi ndjono ya thiki meendelelo. Uunona mbuno hoka okakuluntu okena oomvula 4 naahoka okashona okena omvula yimwe. Otaku hokololwa kutya yina yuunona mbuka nande eli mepipi egundjuka oha thigi owala uunona we megumbo owo auke manga tayi kuundingosho ta ka konga omalovu ge.

Okanona ha okakuluntu kokakwawo ohaka ningi onkambadhala ka yambulile okakwawo koshipundi shono sha mangelwa ongodhi hayi kokololwa, opo anuwa yi vulwe oku hilwa oshoka itaka vulu oku humbata okanona hoka okashona, nongele taya yi yaka dhane pondje yegumbo ohaka hili ongodhi ndjoka ya mangelwa moshipundi, ko taka kookolola anuwa.

Yina yuunona mbuka Aina Fillipu ngono ali a ka kongwa kopolisi oshoka megumbo ina adhikamo esiku ndyoka , okwa li a adhika eli muundunda naagundjuka ooyakwawo manga uunona wuli megumbo tawu mono iihuna wo tawu li oondunga, oshoka anuwa owa sa ondjala nonande yina ta ti ohewu thigile iikulya ngele ta zimo.

Okwali eshi holola yemwene kutya shino hasho oshikando shotango ta zimo megumbo eta thigi mo oyana oyo ayeke ngaaka . Okanona hono oka hokolola kutya yina  oheya thigimo nolundji oha galuka owala uusiku ta adha uunona wa ka lala nale.

Aashiinda mboka ya lipo oyali ye eta ohenda molwa okanona hoka okashona oshoka anuwa okali ka zala omunambo gwoshilapi ashike oto ti owala, ogwa ningamo oshiwike, gwa tuta nayi go ogwa luudha. Okwa li a kumagidhwa a kale ta sile uunona we oshimpwiyu, ye ota ka kala a katukilwa onkatu mbala kopolisi.

Mumwayinagona gwa yina yuunona mbuka okwa ti naye okwa lulilwa oshoka anuwa uunona ohe wu thigimo owala megumbo ta kanwa omalovu ge ye nomegumbo anuwa ina hala okulonga nande ena uunona keena sho te wupe. Tati megumbo kaye mo yena euvathano ewanawa nolundji yina yuunona mbuka anuwa oheya owala ta tukana sho tazi koondingosho.

1 COMMENT

  1. waawu otadhimbulukifange uuyuni mbwiyaka omavi mpanga gali omayamba.ashike nee meme Aina shendja.tala pombanda inekela mukalunga

LEAVE A REPLY

Please enter your comment!
Please enter your name here