Ompee ota ka pititha oalbuma ompe

0
201

KuLoide Jason

ONGWEDIVA- Omumati omugundjuka gwedhina Simon Paulus nedhina lya tseyika nawa Ompee, okwa tokola opo a pitithe o album ye ompe ndjoka tayi pandula omukokoli-presidente gwaNamibia Dr Sam Shafiishuna Nuyoma.

Ompee okwa yambukile kEenhana moshitopolwa shaHangwena, na okwali a talele po ombelewa yaKundana mEtitatu lyoshiwike shike.

Ompee ngoka ngashingeyi ha imbi oongalo dhoKwaito noKwiku okwa ti kutya Nujoma nosheendo she shoka ayi nasho kombanda ya ka kondjele emanguluko oya longa oshilonga oshinene na oya ilongela epandulo tali zi koshigwana.

“Ngeno ha tatekulu Nujoma nomapendafule ogendjigendji itandi mana oku ga tumbula komadhina ngeno Namibia ina li manguluka na ngeno ombili katu yina,” Ompee a hokolola ngaaka nesimaneko.

Okwati  okwa tamekele okuhika oongalo omvo 2013 mu April na okwa pititha ashike oalbum yimwe ayike ndjoka tayi kumagidha aanona ya simaneke aakuluntu uunene tuu mboka haya tuku.

“Oalbum yandje yotango onda tokola opo ndi kumagidhe uunona oshoka ngashingeyi aanona aashona oyo taya kuthambinga mokulonga iikulumuna na inand shi nyanyukilwa nando omuhikingalo Ompee a ti ngaaka.

Okwa tothamo wo kutya moalbum ye tuu ndjoka  okwali a kumagidha opo aanyasha yasimanekathane ya yande oku u lathana omalaka omawinayi mo ma pandaanda.

“Ashike mundjika ompe onda londotha aahingi yomahauto ya hulithe po ehingo lyuuhasha opo ya hupitthe mboka haya ende momahauto gawo, oko kutya omahauto gwopaumwene nenge oongoka haga faalele aantu pomahala ngoka ya hala   okuya,” osho a hokolola ngaaka.

Oalbum ndjoka ompee oyina omaimbilo geli omulongo nalimwe omanga ndjoka onkulu yina omayimbilo geli gahetatu.

Ndjoka ompe oya tegelelwa opo yi pite muMaalitsa.

Ompee okwa tokola opo woo a pandule aahikingalo aashona mboka yemukwathela moalbum ye yotango Linda na Skella.

LEAVE A REPLY

Please enter your comment!
Please enter your name here