Ovafekelwa mekengelelo nokatoo va ya konuma yekumba

0
200

Komutoolinghundana

ONGWEDIVA – Opolifi yoshitukulwa shaHangwena oya kwata ovafekelwa vatatu tava fekelelwa ekengelelo loshiwana.

Edi,  oda popiwa komupopiliko wopolifi yoshitukulwa shaHangwena, Shisande Kaume Itumba. Itumba ota,  ti opolifi oya patulula epeko  muDeseba, 2014 eshi ovafekelwa moukengeleledi va kengelela oshiwana pomikalo da yooloka.

Martin Embashu weedula 30, Ndapanda Martin womido 22 naJohanna Ndeulita weedula 27 ova kwatwa po pehovelo la Januali neudo va kwatelwa mOshakati nomOndangwa, eshi va longifa eengodi va nyeka oshiwana noku holoka momangu yamangestrata waEenhana.

Embashu okwe likulila  mo N$800.00 ashike Martin naNdeulita ove li natango modolongo yaEenhana shaashi kave na oshimaliwa shokwiikulila mo. Ova hangwa neeNokia nhatu neeSamsung hetatu da nyekwa oshiwana mokukotokela keenhele ngaashi Okongo, Eenhana, Ondangwa nOshakati. Otava ka holoka vali momangu  yamangestrata wEenhana momafiku 23 Febuluali, 2015.

Itumba okwa ti, ovafekelwa ohava kotokele oshiwana peenhele neenhele, poivelo yeengeshefa okulikundifa oshiwana nelalakano loku shi nyeka. Itumba okwa kunghilila oshiwana shiha ye vali meenghundafana nomunhu uhe mu shii, oshiwana shiha hekwe vali shi fiile eengangala eendjato ngee wa uka mofitola, ilo omukwashiwana ta hekwa a fute oshiima ine shi mona ngee okukutwa moilonga. Opolifi  yoshitukulwa shaHangwena natango otai shikula ovafekelwa hava longele kumwe naava va kwatwa po.

LEAVE A REPLY

Please enter your comment!
Please enter your name here