Tava fi enota meengodi

0
254

ONGWEDIVA – Ovanafaalama koitukulwa youlifilo waaveshe  kOnelago nokOmupupa moshikandjohoololo shaEngodi moshitukulwa shaShikoto, ova pula epangelo li va andjanekele omeva a yela okulongifwa kovanhu nokoimuna.

Omikunda edi,  odi li oshinano sheekilometa di dule 30 koushilo-mbangalanhu wOmuthiya nomudingililo woshitukulwa shoulifilo waMangetti.

Eedula omulongo da dja ko, oshiwana osha panga tashi nu omeva oshimongwa haa di momifima da xupwa kovakwashiwana nokwe va etela omikifi. Oluteni ola hepeka oshiwana novanangobe vahapu ova kanifa oimuna ihapu. Ovanafaalama vahapu moshitukulwa shoulifilo waaveshe ova shiika omeva mawa, ndee kae po.  Onghee ova xupa medu mokule fiyo eemeta 30 okuhanga omeva okunuwa koimuna.

Mwene womukunda Omupupa Gideon Vatilifa, okwa lombwela oshikundaneki Kundana kutya oshiwana osha taalela oudjuu ngeenge epangelo itali endelele okuniga po sha. Ovakalimo kombinga youlifilo oko ove li kedu loushitwe ihau talama omeva, tava hokolola koshifo eshi kutya, ove lixula  kunwa omeva a yela konima yeedula omulongo.

Vatilifa okwa holola kutya oudjuu ou okwe u lopota kombelewa yakansela woshikandjoololo shaEngodi ,Valde Shejavali nokombelewa yoshikandjohoololo , omo ashike paye ta ti epangelo olo tavli va ningile omaudaneko  ihaa laa wanifa po. Vatilifa ota ti, mefiku okwa landa omeva $200  kOshamakaka omukunda u li oshinano sheekilometa 15 okudja pomukunda waavo. Ovanaimuna ova loloka kulanda omeva okulongifwa kovanhu nokomaufita oimuna. Ovanhu vamwe ohava ka teka omeva komikunda di li kokule oshinano sheekm 250 okunwefa oimuna nookulongifwa kovanhu. “Nande twa pulile tu xupilwe eemboola, fiyo onena ombelewa yakansela woshikandjohoololo Eengodi, Valde Shejavali ine tu nyamukula”. Vatileni ta weda po. Eenghendabala okukwatafana nombelewa yakansela Shejavali inadi pondola sha.

LEAVE A REPLY

Please enter your comment!
Please enter your name here