“Unona li tuleni mo mehongo” -Omunyekadi woshilongo

0
230

Komutoolinghundana

ONGWEDIVA – Ounona ouNamibia ova tuwa omukumo ve litule mehongo  noudiinini ngeenge ova hala  kuyambula po oshilongo nova ninge ovakwashiwana tava ndjabula sha.

Omukumo ove u tuwa komunyekadi woshilongo Penehupifo Pohamba, kutya otava ka dula sha ashike ngeenge  va hongwa nawa notava ka dula ku yambula po eliko loshilongo.

Omunyekadi woshilongo, edi okwe di tumbula pefimbo a shiva ounona veedula okudja puhamano fiyo omuwoi koshivilo showina shoKrismesa pendiki lOmaulikilo Oipindi laNgwediva oshivike sha i. Pohamba, ou oye omutoti wehangano Organisation for the Empowerment of Widows/Widowers and Orphans of HIV/AIDS in Namibia okwa unganeka oshivilo shounona va dja moluhepo naavo va pumbwa ovafilishisho opo a popye navo e va kunghilila va ka kale nomalalakano ovakwashiwana tava pondola sha.

Ounona ve li 160 ova tofwa meefikola domoitkulwa ine Oshikoto, Ohangwena, Omusati nOshana kwa talika kwaavo va pumbwa unene eyambidido, neefiye. Pohamba okwa pa ounona  omaano omambo okulongifwa meefikola eendodo da yooloka okudja peendodo dopetameko fiyo okeeprima dopombada. OEWONA omaano  okwe  a pewa yoo kehangano loWaltons  noUnitrans Namibia.

Oya li yoo omhito iwa yokuuda omaupyakadi avo kuvo vene nokuva twa omukumo veli kufe moluhepo tashi pitile mehongo noku tala  nghee omaupyakadi e va kuma taa dulu kukandulwapo  ngaashi naanaa omaudjuu  akwao a taalela oshilongo.

Omunyekadi Pohamba oye omutoti wehangano lokuyambula po ovafiyekadi novafilwalume komukifi woHIV/Aids moNamibia.Ta lombwele ounona kutya ehangano nookaume valo  ova tula po omashikulafano  okukwafela ovo ve li momhumbwe, oku va fila oshisho nokuyandja ekwafo moshiwana pamukalo weyandjo leyakulo. Pefimbo opo tuu opo  ehangano Waltons ola yandja omaano N$3000.00 kOEWONA okukandula po eemhumbwe.

Molwa omahoololo aa  a ningwa  moshilongo muNoveba , 2014, oshivilo eshi osha undilwa kuJanuali 2015.

LEAVE A REPLY

Please enter your comment!
Please enter your name here