Ya kumikwa ya longe nuudhiginini

0
325

KuMaria Namupala

OMUTHIYA –  Opolisi yaShikoto pamwe niilyo yElyenge lyaakiintu naalumentu  mokukondjitha  iimbuluma, oya li ya longekidha oshigongi showina, sha ningilwa mondoolopa yaMuthiya mOlyomakaya ya piti.

Konyala iilyo yelyenge mokukondjitha iimbuluma ya za kiikandjohogololo moshitopolwa shaShikoto oyali ya holoka momwaalu omunene nelalakano lyoku tala nkene taya kondjitha omiyonena nuumvo oshowo okutameka iilonga yawo.

Omukwatakanithi gwopolisi naakwashigwana, Stefanus Nuuyi okwali a indile no ku kumika iilyo yelyenge ndika yi longele kumwe, yo yi longele kumwe nopolisi opo ya kondjithe nokulwitha iilonga iiwinayi no yomiyonena moshitopolwa Oshikoto.

“Iimbuluma otayi ende tayi indjipala esiku nesiku onkee tseni onga aakalekipo yombili nelandulathano natu kambadhaleni ngaashi tatu vulu tse tu kondjithe iimbuluma, yi kale ya yelamo thilu momidhingoloko oshowo mOshikoto ashihe,” Nuuyi ta ti.

Okwa indile ooyene yomikunda oshwowo aaleli yopamuthigululwakalo ya longele kumwe nopolisi noku kumagidha Elyenge lyaakiintu naalumentu li kale lya kwatathana moshitopolwa ashihe , yo yi tseya            thane ya kale taya longo mehwata oshowo muukumwe wumwe ngaashi haye shi ningi shito. Ta indile aantu ya hulithepo omalugodhi ngoka taga lopotwa unene pomahala gomanwino.

Okwa holola okwaa uvite kwe ombili sho aakwashigwana taya longitha omalovu oshowo iingangamithi sha pitilila, ta indile aantu ya kale nokwiingambeka, tati omalovu ogena oshiponga uuna taga longithwa sha pitilila

Kansela gwoshikandjohogololo Omuthiya Armas Amukoto naye okwali a mono ompito opo a popithe ongundu ndjoka yali ya gongala mpoka. Amukoto okwali a pandula opolisi mOshikoto sho tayi longo nuudhiginini okulekapo egameno,oshowo okukondjitha iimbuluma opo yi shune pevi. Ta pandula woo iilyo yonetwork mbyoka tayi longo pamukalo gwokwiiyamba, teya indile ya tsikile nomukumo niilonga yawo.

ilyo yonetwork oyali yu uvaneke kutya oyina omukumo nomatokolo nonande taya longo paku iyambo, na oya ti otaya tsikile okukondjitha iimbuluma moNamibia, taya pula elongelokumwe maakwashigwana opo ya ngambeke iimbuluma opo mbika yi shuine pevi.

LEAVE A REPLY

Please enter your comment!
Please enter your name here