0
296

Aagundjuka mEenhana ya patulula ostudio yomaimbilo niihikomwa

KuClemence Tashaya

EENHANA – Omulumentu omugundjuka omukalimo gwomondoolopa  Eenhana okwa patulula ostudio yokukwata iiyimbo noongalo dhaahikingalo mboka ihaa ya vulu okukwatithila oongalo niiyimbo yawo palwe omolwa ompumbwe yoshimaliwa.

Lumbu Hosea nenge ha ithanwa Kulenyane okwa tanga aahikingalo aagundjuka aaNamibia  sho mbaka yeli omuthika moku humitha komeho oondjimbo moNamibia, onkene omolwolupandu nduka ye okwa tokola oku egulula ostudio yomusiki yedhina Kulenyane Entertainment Firm and Music.

Ostudio ndjika oya tameke iilonga moshilando sha ziza konima sho oostudio ndhoka dha li tadhi longo mondoolopa ndjoka dha edhile omiyelo dhadho. “Onda kongo iimaliwa oku egulula ostudio ndjika okuza kookuume  moBotswana, okuza komukulukadhi gwandje Divine Shingelao opamwe na yalwe oshowo sho nda longitha iimaliwa mbyoka nda li nda pungula mombaanga yandje. Oshilalakanenwa shandje osho oku sa oshimpwiyu kutya ita pa kala omuhikingalo omupe itaa vulu okukwatitha omusiki ye molwaashoka  pwaana  oshimaliwa oku shi ninga. Otwa hala okuhumitha komeho oshitopolwa shomusiki pamuthika gwetu,” osho Lumbu a uvaneke. Omunamimvo  27 oye a dhikepo ehangano lyokukwata omusiki lyedhina Kulenyane Entertainment Firm and Music.

Okwa ti oostudio dhilwe moNamibia ohadhi futitha aahikingalo  sigo oopodola 800- noshowo oodola eyovi limwe mongalo yimwe ayike, omanga eyakulo lye okuyakula aahikingalo aape otali kala itaali futwa sha nonando ye oha futitha oodola N$ 350 mongalo kehe.

“Edhiladhilo oku kwashilipaleka kutya aahikingalo aagundjuka noshowo mboka aape omawi gawo otaga uvika mombepo.     Oshitopolwa shika oshina aahikingalo oyendji yena iitalendi yoku imba noku hika oongalo ndele oyena eshongo lyoshimaliwa opo ya ka kwatithe oongalo dhawo. Onkene ngame otandi iyamba oku ya kwathela.Ondina ontseyo oku kwata oongalo niiyimbo na ondina  uunongo wa gwana woku tula kumwe omikwelengendjo,” osho Lumbu Hosea ngoka wo a tseyika nawa nedhina Kulenyane mondoolopa yEenhanana a ti. Ondjokonona otayi ulike kutya mpoka pena oostudio kaadhina ondilo unene, iitalendi kwa li inaa yi fumvulwa oya monika noku etwa puuyelele noku simana. Mondoolopa yEenhana omuna aahikingalo naayimbi yoondjimbo dhomaludhi ngaashi ngoka godancehall ,Afro-Kwaito yomadhina gooKiller T, DML, Vuzi Kings, Nestor Flybek, Omptine okutothamo ashike yamwepo mboka ya holokele omimvo ndatu dha pitipo.

Etungepo lyostudio ndjika otali ka kwathela aagundjuka oyendji opo ya holole iitalendi yawo yoku imba oondjimbo moshitopolwa shika.Sigo oompaka pahapu dha Lumbu aahikingalo opo taya holoka ye li omilongo 30 oya konkola nale komweelo gwostudio ye ya hala oondjimbo dhawo dhi kwatwe.

“Aayimbi aagundjuka yaza komahala ngaashi Okongo, Oshikango, Onhuno noshowo Ongwediva oya li ya talelepo ostudio yandje na oya ninga omalongekidho opo ye ye  ya kwatelwe oondjimbo dhawo mpaka. Onde ya hiya okupitila mOradio yOshigwana yOhangwena Community Radio naamboka ya yamukula oyo omwaalu omunene,’ osho a fatulula. Okwa ti ostudio ye otayi vulu okukwata iiyimbo yoludhi lwo, Afro-Kwaito, Hip Hop, R n B noshowo oondjimbo dhoonote dhilwe.

“Onda longwa ongeshefa ndjika kookuume kandje yaaTswana.  Onda li moBotswana omumvo 2012 nookuume kandje oya kumike ndje opo ndi ye mongeshefa yoludhi nduka. Onda kwata noku holela aahikingalo mboka aanamadhina ngaashi Bujo Mujo gwoko South Africa, onkene onda lukwa edhina  Kulenyane tashi Omumati omutsini.”

Lumbu Hosea yemwene okwa kwata oondjimbo dhe moalbuma yoongalo dhili omulongo yedhina “Omu China” ndjoka ya pitithilwe kehangano lyoongalo lya Mushe omumvo 2010.

“Ngame omwiimbi gwoondjimbo dho  Afro-Kwaito na onda  thaneka oku ka pititha oalbuma yandje ontiyali yedhina “Stand for Your Right” muAuguste nuumvo.  Kakele kaashika ngame omutuliko gwoongalo na ohandi ithanwa ndika tuleko oongalo piithanene ya yooloka moshitopolwa Ohangwena. Ongehangano lya Kulenyane Entertainment Firm and Music, otwa ningapo uukino uufupi Melaka lyOshiwambo wo mbuka ohawu landwa nawa noonkondo.

Okwa kumagidha aahikingalo mboka opo taya tameke okwiimba opo kaa ya yonagule oshitopolwa shoondjimbo . Okwa ti osha pumbiwa yi imange kumwe nokulongelakumwe naahikingalo aanamadhina ngaashi hashi ningwa moBotswana nomoSouth Africa. “Taleni nkene  oshikondo shoongalo noondjimbo moSouth Africa tashi koko nawa okuyeleka noshetu.Oshikondo shomusiki moNamibia otashi tewapo kondumbo nokuutondwe, naamboka taya ka longitha ostudio yandje naya tseye kutya ngame ongo omutuli kumwe gwomusiki itandi ka idhidhimikila oshinima sha fa shoka.

LEAVE A REPLY

Please enter your comment!
Please enter your name here