Eendudu doikengelela da dange ovamwainafana omitwe kumwe

1
329

Komutoolinghundana

ONGWEDIVA – Eendudu dopamufyuululwakalo di li mbali odo da kala hokuhakulila moWindhoek oda koleka kutya doo kadi shi eendudu doshili ashike oda kala hadi kengelele ovahakulwa vado.

Oonamunganga ava ova nyanwa oshivike shadjako eshi ovamwainafana vamwe va ya kopolifi va hala okulidenga  shaashi umwe a lombwelwa kondudu yoipupulu ya  kutya okaana kaye otaka vele ka liwa komumwaina.

Eshi a limbililwa kehokokolo, ina yokaana okwa lopota kopolifi kutya mumwaina okwa lowa okaana kaye.

Ashike omafiku aa, osha kolekwa komunambelewa wopolififi moshikandjo shokuadjakaneka omauyelele moshiwana moshitukulwa  shaKhomas, Warrant Christina  Fonsech, kutya ava vavali ova kala ashike nokutula oshiwana mokatoo.

Oule weedula nhano  eendudu  edi oda kala moKatutura tadi lile oshiwana nokushi kengelela pamukalo wokuhakula.

Okwa ti, ovahakuli vopamufyuululwakalo ava vavali, umwe omuNamibia namukwao omukwashiwana waAngola,  momafiku 29 Januali, 2015 ove lihokolola kopolifi yaNamibia moWindhoek kutya ova kengelela oshiwana oulefimbo.

Omukonaaakoni Fonsech ta ti, ovakainhu ava inave lishangifa kehangano  lovahakuli vopamifyuluulwakalo moNamibia hano Traditional Healers  Council  ngaashi sha ufwa koveta.

Kakele kwaavo veva lopota, eendudu  ode lihokolola yoo doovene kutya, oda fufya ovahakulwa vavo vahapu, deva lombwela kutya  ova lowa kovashiinda, kovapambele  kookaume ile kovashiivikile.

Omukonaakoni Fonsech okwa ti, ovakomesho va yooloka ove lipyakidilwa nomakonaakono, ku ningwe etokolo kutya oshike tashi dulu ku ningilwa ovakainhu ava, nongeenge omukwashiwana waAngola ota dulu oku shunifwa koshilongo shavo. Ondudu imwe yoshikengelela ya dile koZimbabwe ya kengelela oshiwana ngaashi dikwao edi, odula ya dja ko, oya umbwa mo moshilongo, nokushinifwa koshilongo shavo.

1 COMMENT

LEAVE A REPLY

Please enter your comment!
Please enter your name here