Eshango laxuuninwa leenhauki moNamibia ola fika pexulilo

0
238

Komutolinghundana

ONGWEDIVA – Eshango laxuuninwa leenhauki adishe moNamibi la tameka koshitukulwa shaKavango  utokelo, Oshana, Oshikoto  nOtjozondjupa ola hovela Januali 26, 2015 fiyo omoshivike shotete shaFebuluali 2015. Epangelo ola hala okushiiva omwaalu weenhauki moshilongo nowovakongi vefilonghenda papolitika moshilongo. Ouyelele owa kolekwa komunambelewa mombelewa yeenahuki koiwayahangana moNamibia, Nkrumah Mushelenga.

Mushelenga ta weda po ta ti, epangelo laNamibia pamwe nombelewa yoUnited Nations High Commissioner for Refugees (UNHCR) okudja moshivike shotete shaFebuluali, otava tula kumwe omivalu yeenhauki adishe de lishangifa, ashike onhauki tai ka xupa ko  keshango eli i li moshilongo itai ka pewa vali eyakulo pamufika woiwanayahangana. MoNamibia omu na eenhauki da dja koilongo ngaashi Democratic Republic of the Congo, Rwanda, Burundi, Zimbabwe naSomalia.

Omwaalu weenhauki moNamibia ngee ou li koshi yomayuvi atatu, nena ombelewa yoiwanayahangana otai tembukile koSouth Africa. Edi oda wedwa po komukalelipo wombelewa yoUNHCR moNamibia, Dr Lawrence Mgbangosn a kufa ombinga meshango laxuuninwa. Kakele, eshango eli inali kwatela mo ovakwashiwana vaAngola ve li moNamibia shaashi ovaAngola kave shi vali eenhauki moilongo aishe mounyuni.

Epangelo ola dididlika eenhauki dihapu de ya moshilongo inadi pita poivelo youpitilo keengaba sha nyika oshiponga kepangelo nokoshiwana, onghee eenhauki adishe di li moshilongo,  oda pumbwa omaufemba a yela di kale di shiivike kepangelo nokombelewa yoiwanayahangana.

LEAVE A REPLY

Please enter your comment!
Please enter your name here