Ina pandula etokolo  lyomutamaneki ndjayi

0
274

KuLoide Jason

ONGWEDIVA-Omusamane Stefanus Hafunda oku uvite nayi sho Ombelewa yomweeti gwiipotha omukuluntu ya ekelehi oshipotha shoka ye ali a patulilila omutekulu gwe.

Oontamana ndhika odhi na sha anuwa nuufuti oshowo nekengelelo.

Hafunda okwa hokolole Kundana kutya okwali a landa ohauto yombaki yo Toyota Hilux omumvo 2009 sho iilonga okulongela Namibia Dairies yali ya kana.

Konima anuwa yoku hinga ohauto ndjoka uule  woomwedhi ooshona  ohauto ye oye mu tekele na okwali a ithana omutekulu gwe  Immanuel Ndahangwapo opo eye eke mu nane po oshoka ko oha ka pangele omahauto.

“ Sho nduno eyi nanapo okwali a adhenge lendje  ongodhi kutya anuwa ohauto yandje oya teka Ongalo ,noshowo iitopolwa yilwe yohauto na  otashi vulika keyi vule we okuyi pangelitha na otati aniwa okwa mona ngoka teyi landa po,” tati ngaaka.

Tati okuza mpoka aniwa Ndahangwapo okwa lombwele hekulu kutya opuna omuntu ena okahauto okashona ngoka a hala ohauto onene na okuna ehalo oku landa po ohauto ye.

Ashike Ndahangwapo okwa lombwele Kundana kutya ye sho uvathana na hekulu ka pwali puna uukengeleli washa.

Hafunda okwa katuka onkatu opo a ka patulule oshipotha Cr 151/04/2014 shina sha nuukengeleledhi.

Ashike okwa koleka kutya aakonaakoni moshipotha shoka oyali yaningi omakonaakono etaya lundululile  oshipotha shoka kombelewa yOmukonaakoni hoka oshipotha shali sha ekelelwahi molwashoka  kaapena uushili wagwana okuzilila kombinga yomunyenyeti.

Ashike Ndahangwapo okwa ti kutya ye ita ti ko we sha oshoka omatokolo gombelewa yomukonaakoni ndjayi oga pwa nale.

Omakwatathano gopolisi noshowo ombelewa yomukonaaakoni ndjayi inaga pondoka.

LEAVE A REPLY

Please enter your comment!
Please enter your name here