Omukadhona dhingi ‘MISS OWAMBO’ ota ka ka ulikwa

0
478

KuPinehas Nakaziko

WINDHOEK-Omalongekidho ngoka omanene gokukonga omukadhona  omwaanawa monooli, taka ithanwa Miss Owambo  otaga ka ningilwa pOshikango Country Lodge momasiku gane gApilili. Omauliko ngaka taga ningwa lwotango  nuumvo otaga ka tothamo omukadhona omwaanawa  kohi yedhina Miss Owambo nonando kakunawe oshitopolwa shedhina Owambo..

Aalongekidhi yoshituthi shika oya ti shika osho oshikando shotango Miss Owambo ta ka ningwa, pamwe nekwatathano nUuministeli wElongo. Oshituthi shika osha longekidhwa kehangano lyoProper Events Management CC.

Gumwe gwomaalongekidhi, yasho, Fillemon okwa ti, ehuku nedhiladhilo lyethigathano ndika inali kwatelamo ashike okuulika omanzuna ngoka omawaanawa, ashike okukonga okandidate ndjoka  tayi ka kalela po Elongo monooli ayihe.

Miss Owambo okwa totwa po ishewe opo a kumagidhe, a kunkilile noku tunga  omadhiladhilo gaanenentu unene tuu aakiintu yo moshilongo.

“Moshinima nee shatya ngeyi, omusindani oye taka mona oshikoloni shokukalela po iitopolwa mbyoka yili momudhingoloko ngoka gwali nale hagu ithanwa Owambo. Kokutya ota kalelepo Oshana,Oshikoto,Ohangwena nOmusati. Omusindani ota ka kala ishewe niinakugwanithwa ya yoolokathana ngaashi okugandja kwaamboka itaa ya vulu okwi ikwathela yoyene,” Fillemon tati.

LEAVE A REPLY

Please enter your comment!
Please enter your name here