Ya thigwa pomutenya yoshikungulu

0
297

KuMaria Namupala

ONDJOKWE – Egumbo lya mwene gwomukunda Ondjokwe, moshitopolwa shaShikoto olyali lya hanagulwapo kombepo yoshikungulu,oshiwike sha piti.

Claudia Kambwa ngono oye ta takamitha egumbo ndika lyamwene gwomukunda okwa hokolola kutya pethimbo shika tashi ningwa okwa adhika a lala. “Ondali ndu uvu omundundumo noshinima shafa sha dhenge kiipeleki yondunda ndjoka nda adhika nda lala,sho nda penduka ndi tale shoka sha ningwapo onda mono kutya nani ongulu ndjoka opo ya adhika ya tungwa ashike konima yomasiku iipeleki yawo ya yambulwako kombepo,” Kambwa ta ti.

Okwa gwedhapo woo kutya okwali a adha iipeleki yokongulu ndjoka yomala ogendji ya gwako etayi pitulako ishewe yongulu ndjoka ya tegama nonkwawpo nonande pwa pita ngaa okanano,tati ye okwa adhika a lala nokanona ke mongulu ndjoka ya pitulwa iipeleki sho yazi konkwawo.

Mwene gwomukunda nguno Kristofina Nakapela okwa hokolola kutya oshiningwanima shino nenge shali sha adha keepo pegumbo osha ehameka omwenyo gwe. “Onda adhika opo nda tungitha ongulu ndjoka onene naasho ndeshi uvu onda haluka noonkondo , oshoka onda adhika nda dhiladhila ndiye ndi yi tule miilonga oshoka adhihe odha adhika ihaadhi longithwa nonande twa tutilamo iinima,” Nakapela tati ngaa.

Okwa gwedhapo kutya okwa kanitha oshindji oshoka ngaashingeyi otaka tamekululako ishewe, “Onda kanitha oshindji oshoka onda adhika opo nda tulamo olusheno,nonda futu aaniilonga mboka ya tungu naamba ya tulako iipeleki mbyoka ya tulwako niitenda,iipeleki mbyoka ya hanagulwa kombepo kumwe niitenda itayi ka longawe oshoka oya tekauka nokugonyauka nayi,” ta gwedha po ngaa.

Nakapela tati olusheno lwe ndoka adhika opo elu tulamo olwali lweya lu patululwe ando oshiwike osho tuu shoka ashike, anuwa aanambelewa moku adha shoka sha ningwapo oya shuna yo ya galuke nale, tati otashi ke mu pula oshindji okulongulula oongulu ndhoka oshowo okulandulula iipeleki nakehe shimwe oshowo oongodhi dholusheno ndhono dhaadhika dha tulwamo nale. Nakapela tati okwa dhengwa pomutima nayi.

LEAVE A REPLY

Please enter your comment!
Please enter your name here