Aahikingalo ya simana yaali aaNamibia otaya ka imba panamas nuumvo

0
436

Komutoolinkundana

WINDHOEK- Mokati kaahikingalo ya simana naanamadhina mboka taya ka nyanyudha aahiwa pethimbo lyoku gandja omapapa kaahikingalo lyokomumvo nuumvo otaya kala ya kwatelamo aahikingalo dhingi aaNamibia, mboka ngashingeyi haya longele kiilongo yopondje.Aahikingalo mbaka oyo aakadhona aamwayinathana Nianell na Riana . Aahikingalo mbaka sho tatu shanga oshinyolwa shika oye li ko South Africa, hoka oko kwa ninga kegumbo lyaandjawo nena.

Onkundana ndjika kutya aakiintu mbaka yiitalenti iiwanawa otaya ka nyanyudha pethimbo lyegandjo lyomapapa, oya tseyithwa noku kolekwa komunashipundi pitithi gwo Namas, Tim Ekandjo, ngoka a ti Nianell na Riana otaya ka kakala oshitopolwa shaa imbi naahikingalo mboka ya tegelelwa ya ka imbe pethimbo lyegandjo lyiishani kaahikingalo  aaNamibia.Ethigathano ndika otali gwanitha oomvula ntano nuumvo.Aahikingalo yomusiki ya yoolokathana nayo wo otaya ka imba pamwe naayenda mbaka , . Okwiimba huka okwa tegelelwa ku ka kale kwadhenga pombanda ehulilo shiwike. Ndyoka tali kakala lyuudha enyanyu enene.

Nianell ngaashi a tseyika nedhina lye lyoku imba omuhikingalo a tseyika nawa na okwa pewa omapapa gopaigwana ngaashi ndyoka lyo platinum, ishewe ye omushangi gwomambo nomupopikumiki, oku li wo oambasada yehangano lyo Spana Namibia, ye ishewe omuNamibia okuudha nonando pethimbo ndika South Africa olyo egumbo omasiku ngaka.. Ye okwa adha omasindano gopaigwana, noongalo dhe ohadhi uvika mooradio koombinga adhihe dhuuyuni.Omwiimbi omunamagano omusiki ena oshitalendi shomusiki oshowo shoka shokushanga omaimbilo. Nianell oye omupalindjila gwaahikingalo oshowo aashangi yomusiki aakiintu mo South Africa na okwa adha esindano enene sho  oalbuma yoongalo dhe yotango ya ladnitha oocopi dho albuma dhili oomiliona mbali.

Nianell okwa imba oongalo pamwe naahikingalo aanamadhina ngaashi mbaka ta ya landula , Christina Aguilera, Westlife, Diana Ross na  Andre Bocelli nokwa sindana omapapa gopiagwana ngaashi Global Song writing, Best Female Vocalist at ‘Vonk Awards’ na Best Gospel/Inspirational category poshiithanene shaanyoli yomusiki moUSA .Embo lye lyotango lyedhina  ‘Knowing Who I Am’ olya pita moShimbulu na otali landwa nawa unene kaaleshi naapopi yoShi afrikaansa.

Riana Nel ngoka omumwayinakadhona gwa Nianell  na ye omuNamibia kevalo na ye ongashi omumwayina okwa mona omasindano ogendji mokuhika oongalo. Owa sindana wo epapap lyoplatinum lwaali omolwalbuma ye yedhina ndjoka nay o wo ya landithwa nawa noshowo hayi uvika tayi dhanwa moosasiona dho radio odhindji. Omumvo 2013 okwa pewa epapa lyedhina  ‘Tempo Award’ omolwa albuma ye ombwaanawa, ndika okwe li pelwe poshiithanene shaahikingalo shedhina ‘Ghoema Awards’ oshowo okwa topola oshishani shomwiimbi dhingi gwokomumvo na Johan Vorster.Okwa shangela woo aaimbi oyendji aaSouth Africa oongalo nenge iiyimbo yawo

Oshiithanene shomapapa shika osha tegelelwa shi kakale sha dhenga pombanda shoka tashi ka ningwa mehulilo shiwike lyomasiku lyotango  sigo omasiku gaali ga May nuumvo poSwakopmund mpoka opo wo tuu pwa li pwa ningilwa Onamas yomumvo 2014

Ekandjo okwa ti uutikete wokupita pomweelo opo wu ka tale NAMA Nuumvo koohashike shalye  owo oodola N$500 omanga uutikete waantu ayehe owo oodola N$250. Uutikete otawu tameke okulandwa okuza momasiku 23 gomwedhi nguka.Otawu adhika oshilongo ashihe poComputicket, nenge pehala lyointenet lya Computicket.com.

NAMA 2015 otaka ulikwa motiivii ya , NBC Olyomakaya 2 ga Mai pethimbo oshiithanene tashi ningwa.Aatali na yalwe muuyuni otaya vulu oku tala oshingwanima shika pethimbo mpoka shampa yena omakwatathano gopashinanena ngaashi oocellphona nayilwe.n s

LEAVE A REPLY

Please enter your comment!
Please enter your name here