Eeno, ota tu hokana ongula

2
507

WINDHOEK – Nguka omushangwa gwa za kOmundohotola Hage Geingob, Omupeviperesidende gwoSwapo noshowo Omuhogololwa Peresidende gwaNamibia , pamwe nomuyalekwa gwe Monica Kalondo tagu koleke ehokano lyawo Olyomakaya ndjika. Kundana ote gu fatulula oshitya noshitya ngaashi gwa nyolwa.

“Tse otatu koleke kutya ohango yetu otayi ka hokana momasiku 14 ga Febuluali,2015. Ota shi tu pe enyanyu enene okutyapula esiku ndika lyetu lya shewa unene tuu andola oku shininga nongundu onene yaakwanezimo lyetu, oohailwa oshowo ookume, ihe omupya omunene shika itashi vulu okuningwa. Eshongo lyoku tungapo omusholondondo gwaayenda, ngoka tagu ulike ayehe mboka hatu egamene kuyo, nenge ayehe mboka ya dhana onkandangala  moonkalamwenyo dhetu paumwene oshowo paithano olya ulike kutya edhigu. Shika oshi li ngaaka molwashoka omwaalu gwaasimanekwa mboka twa simaneka omunene nogundji.

Omusholondondo nenge elandulathano lyaahiwa yetu  olya thikama maantu 250, oyendji yomuyo yeli iilyo yezimo lyetu.Otwa tseyithila nale ayehe mboka ya ithanwa kohango, naambaka oya pewa uuthemba wa shewa mboka tawu ya pitike opo ye yemo mehala lyohango oshoka naku hiwa kehe okuna oku ulika kutya olye na okwa hiwa shili, oshoka pomweelo otapa kala okondolola ya kwata miiti.

Opena iinakugwanithwa oyindji mbyoka ayihe ya tega tse tu yi tale noku yi longa moshitine shotango shomumvo 2015, onkene otwa thiminikwa opo tu iyambe nokiilumbula oshowo oku idhilika opo omadhiladhilo getu nomatedho getu kale ga tala kiinakugwanithwa yopashigwana mbyoka ya tegelela tu yi longe notu yi kongele omayamukulo.

Okutaambwako kuukuume wetu otu ku uvitile nawa oshoka okwe tu uvitha ombili na otwa pandula omahalelo omawanawa oshowo eyambidhidho ndyoka twa pewa na otatu gandja ombili ku kehe gumwe ngoka tashi vulika a gumwa ketokolo lyetu, oshoka shika inatu shi ninga ando nelalakano okupatela nando olye pondje nenge ando oku uvitha nando omuntu gumwe nayi. Etokolo edhigu sho tse twa tokola opo twaa ithane oyendji yomaaholike yetu, ihe otwa itaala kutya etyapulo lyohango nomwaalu omunene  gwaayenda itali ka tsa kumwe naashoka tu wete shasimana.

Otwa hala okupandula omuntu kehe omolwa okutu ulukila ohole sigo oompaka oshowo mboka yetu halele elago na otaya tsikile okutu galikanena na otatu inekele momagalikano geni. Otwa hala wo okupandula iikundaneki mbyoka ye tu uvuko na oya uvuko uukuume wetu kutya shika oshinima shopaumwene na oya longo natse ngaashi shina okukala miinima yopaumwene naashika otatu shi pandulile iikundaneki unenene”

Kundana ota ti ondjokana yeni nayi yambekwe, yi kale ya kola, no kwe mu halela elago alike.

 

2 COMMENTS

  1. riririririririri ijalooo iyalooo eheyi eheyi olyekulongeendunge dhokwaanduka mefuta yakweni taasilemo,nayitye ngaa waka.kalunga nayambeke oshituthi shaambaka yaali.inamu dhimbwandje ompindi gondjuhwa poihango yeni

LEAVE A REPLY

Please enter your comment!
Please enter your name here