Ehangano laa vo vena oulema mo Liindili la pewa omaano oilongifo yo mombelewa

0
235

KuTuulikki Abraham

LUDERITZ – Ehangano lovanhu vena oulema olo opo la totwa odula yaya mo doolopa ya Liindili , ola pewa omaano oilongifo yo mombelewa , kovanangeshefa vavali eedalele domo doolopa oyo.

Ovanangeshefa ava Kenna Nathanael na Wilson Ruiters ovo aveshe hava longele ehangano lo MSC Consultants ova yandja  oLaptop, no iPod, osho yo  oprinter neembapila.

Oku yandja omaanano oludi eli ,oshili enyamukulo eshi omunangeshefa Kenna Nathanael amona ko Facebook, ehangano lovanhu vena oulema modoolopa ya Liindili tava indile ngee opena ou ta dulu eva vatele olaptop ile o compiuta.

Omaano okwa yandwa oshivike shaya shaningilwa po Seabreeze po Water Front mo Liindili. Omupedu-nashipundi wehangano lovanhu ovo vena oulema mo Liindili, Emilie Bock, okwa pandula unene komaano oo va pewa , nokwa tumbula nelimemesho kutya , omaano oiyakulifo yo mombelewa oyo va pewa, oye va yeu lulila omivelo, na ota va dulu okulonga noupu. Bock ta pandula ovanangesheva ava eshi va tokola oku shunifa koshiwana.

Ta shiivifa yoo kutya mo mafiku eshi taa ka kakala 06 March 2015 , ota va ka unganeka omutumba mo doolopa ya Liindili omo Bock a holola elineekelo kutya ovanangeshefa vahapu mo doolopa ota veke va va tela, unene tuu eshi veli momhumbwe yoku mona ombelewa omo ta va dulu oku longela no kuhanga osho tava lalakanene.

Oilyo yewilikongudu oyo yali ya ongala noku tambula omaano pamwe, oya tumbula nehafo kutya oilongifo oyo va pewa mehangano lovanhu ovo vena oulema ,ota ve keikwata noku ilongifa noukeka. Momhito ei ova indila yoo ovakalimo vo modoolopa ya Liindili velimange oukunikumwe opo va dule okuyambulapo ehangano eli lidule okuya komesho.

LEAVE A REPLY

Please enter your comment!
Please enter your name here