Maiyah nondjodhi yokuhondja

0
291

KuMaria Namupala

ONDANGWA – Maiyah  Saiyah Saltiel okakadhona okagundjuka,hono  ka valelwa mOshakati, nomolwa onkalo yokwaahena iilonga mokati kaagundjuka ko ina ka sholola otaka kambadhala okukondjitha no ku yambulapo onkalamwenyo yako.

Maiyah okuna ondjodhi onene nonkalamwenyo ye, onkee ta longpo nuudhiginini. Oha hondjo iikutu yomaludhi ga yooloka. ‘Ethimbo ndali koskola onda kala handi hondjo uukutu wandje mwene mbono nda kala owala he hondjo komake nonane,ondali nda mono kutya nani ondina oshipewa sho ku hondja no nda tokola ndi longithe uunongo mboka ndinapo,” Maiyah tati.

Okakadhona hano oha ka hondjo oonguwo unene ndhono hadhi zalwa unene momathigathano guukadhonadhingi mono naye ha kutha ombinga nolundji okwa zalekwa iishani nokwa tumbalekwa onga okakadhona dhingi.

Maiyah tati molwa uunongo mbono wokuhondja ali enapo,okwali a tokola omumvo gwa ziko opo a tameke oskola yokuhondja ye a gwedhepo puunongo we. Okwali woo a totopo okangeshefa ke mono ha hondjo,ha opaleke iipanyala oshowo okwoopaleka momitse,ta gwedhapo kutya ina hala a kale ta pangelwa koluhepo onkee okwa hala okwiilongela ku yemwene ngaashi tashi vulika.

“Molwa  ompumbwe yomahala ga pumba, naasho opo nda tameke ohandi longele owala manga megumbo ashike ngoka wa hala ndi kundulukile oshizalomwa oto vulu wu kwatathane nangame pangodhi,ngaashingeyi sho itaa ndiyi koskola ohandi longitha ethimbo ndyoka opo ndi hondje ngame ndi vule okufuta osikola yandje oshoka aakuluntu yandje oya hulapo,ondina okwiilongela mwene,” Maiyah ta tsikileko.

Okwa gwedhapo kutya okwa hala a kale omuhondji kamana meni lyoomvula oonshona dhili komeho,ye a yambulepo nokugwedhako kontseyo ndjoka ena,tati okuna elalakano opo a kale ena oshihondjelo oshinene mono ta vulu oku etapo oompito dhiilonga ye a gandje iilonga kaagundjuka mboka yeshi kuhondja.

LEAVE A REPLY

Please enter your comment!
Please enter your name here