Omahepekathano momagumbo onkene taga dhana onkandangala

0
328

KuMaria Namupala

EDHIYA LYONDJAMBA – Nonande esiku nesiku taku igidhwa ehulithepo lyomahepekathano momagumbo, aahokanathani yamwe koombinga noombinga otaya hupu nuudhigu yo yamwe oyeli momagumbo taali taapi nonkalo oya ninga ondhigu kuyo.

Omusamane gwoomvula 62 nokuli omukalimo gwomomukunda Edhiya lyOndjamba moshitopolwa shaMuthiya,okuli momaipulo omanene konima sho ya kala kaayena euvanathano pokati ke nomukadhi.Shino Konias Iyambo okwe shi hokolola kutya osha tameke momumvo go 2013.

“Otwa kala ngaa megumbo lyetu tu uvitathane namukwetu ashike okutameka mo 2013 mono,omukulukadhi gwandje ngoka nda kala naye uule woomvula omulongo ngaashingeyi,okwa tameke owala ta hololele ndje omaihumbatpo omawinayi,ye megumbo ina hala Oku teleka, thimbolimwe ota zimo owala nkene a yile ye ta ningiko omasiku ashike ngele nde mu pula oohapu nde dhi etako,” Iyambo tati.

Omvula yaziko  anuwa oyali ya longa iilya ya gwana lela nomukulukadhi okwali a landithapo oolata omulongo nantano,omakunde niilikolomwa ayihe megumbo nokeena oonkundathana. Omukulukadhi,okwali woo anuwa a landithapo iilandithomwa mbyono yali mokandunda kawo komalandithilo mono ya kala haya landithamo uushike pendje wo wawo yo ya vule okuhupa.

“Ondunda yandje yomalandithilo oya patithwa ku gumwe gwomomalenga molwaasho ya tote landje oohapu kutya anuwa omwa dhipagelwa omuntu ashike nenge ondiya pule ka ye hole oku lombwelandje kutya omuntu ngono sho a dhipagelwamo okwa kuthwamo kopolisi yaapeni,onda hala ya lombwelendje nawa yo ya mangulule omutima gwandje oshoka ogwa mangwa molwa omalundilo tandi ga ningilwa,” Ta popi ngaaka ne yeme.

Ta holola kutya omahepeko ngono a kala ta ningilwa megumbo lye komukadhi ogendji ihe nenge oku ga lopote koomwene yomikunda iha mono ekwatho lyasha ohaya kala owala ya gama kombinga yomukulukadhi. Iyambo tati  okwa kala iidhidhimikila uudhigu awuhe mboka sigo anuwa omvula ya piti a tokola opo aye kopolisi ye a lopote oshinima shika. Omukulukadhi gwe ngoka Matilde Petrus okwali a kumagidhwa kee shi ninge we ashike iheshi tulapo okwa tsikila owala nomahepeko ge.

Tati limwe lyomomasiku sho a lala okwali iitsu ombele ya tulwa kohi yoshikusinga she ashike keshi kutya oyazi peni nelalakano olyashike. Oshiwike sha ziko oyali woo anuwa ya adha oshako yina iikutu ngaashi uupendi,oongaku noohema ya fumvikwa pelugo noya mono kutya iikutu oyo mukulukadhi noka yeshi kutya oya fumvikilwa shike.Iyambo tati okwa hala ombili nelandulathano no ina hala a monithe  omuntu oshiponga nenge iimonithe mwene oshiponga ashike okwa hala uupyakadhi mbu wa kandulwapo. Ye a kale nombili oshoka anuwa iha kothawe nawa ye kehethimbo okuli moshipangelo omolwa ombinzi ya londa.

Petrus okwali a pewa elombwelo kopolisi yaNamibia opo a kale athigapo egumbo ndyoka lyawo ye a tale mpoka tu uka omolwa omahepeko ngoka a ningila omusamane.  Petrus ngoka pahokololo lyomusamane otali ti konima ashike yomasiku sho ali a lalekwamo megumbo ngaaka,okwali a galuka shaali palandulathano nokwali anuwa a pula omusamane emu dhiminepo.

“ Nonande ndali nda tindi okupopya naye okwa kala ta kondjitha nokonima okwa ka indila ndimupe anuwa iilya ,oshoka ho eli anuwa ota sileko ondjala ye mbela a dhimbwa mbyoka alandithapo no inaandi mona nenge oshimaliwa mpa shu uka.Mmomasiku 25 Januali 2015 ondali nda mono okambapila opo anuwa ndiye komuti gwiigongi kOkatope opo anuwa tu ye koompangu sho nda tindila omukulukadhi iilya anuwa,ye nani okwa totelandje omahokololo ogendji,”Iyambo ta gwedhapo.

Koompangu hono anuwa okwali kwa tokolwa opo epya lyawo yeli topole pokati opo kehegumwe a kale ena oshimpungu she. Molwaasho esiku ndyoka yaza kiihokolola ina kotha okwali a tokola aye kopolisi yaNdangwa,hono ta hokolola kutya okwa yakulwa nawa noyali yemu tumu kombelewa yoshilongo.

Amushanga mombelewa yoshilongo shaNdonga okwa hokolola kutya oshinima shika osha thiki mombelewa ye metitano lyaziko noya pewa omasiku 16 gomwedhi nguka, opo shi ka pulakenwe kOmukwaniilwa  kombala,tati oye wete puna epuko lela notaye keli kandulapo meendelelo.

LEAVE A REPLY

Please enter your comment!
Please enter your name here