Ondangwa United otayi pula komeho nando yili mompumbwe yoshimaliwa

0
226

ONDANGWA-Osipana yoNdangwa United otayi nana nondatu sho ya taalelwa keshongo lyoshimaliwa nompumbwe yiikwathitho yomaudhano nonando ndjika oyi na aadhani aawanawa.

Nehemia Methew ngoka eli omupopiliko gwosipana ndjika okwa ti Osipana yawo oya eta omalunduluko ogendji moonkalomwenyo dhaanyasha momudhingoloko gwaNdangwa niitoolwa yopuushiinda.

Ashike omukundu gwoshimaliwa oguli endangalati mondjila yesiku kehe yosipana ndjika.

Okwa tothamo iinima ngaashi iimaliwa yomalweendo okuya komaudhano goliha moka ngashiingeyi yeli haya dhana moliha yOshikoto Second Division.

Sho Kundana ali a talelepo okapale mpoka Ondangwa United hayi idheulile otwali twa mono kutya aadhani yamwe oyali taya dhana noompadhi kondje na Mathew okwa holola kutya oyendji yomaadhani ihaya vulu okwiilandela oongaku dhomaudhano oshoka oyendji yomaanyasha kayena iilonga.

Ashike Mathew okwati nando oyi iyadha monkalo yili ngeyi shika itashi ya teya omukumo oshoka ewiliko lyOsipana ndjika opamwe naadhani oye na eitulemo lili pombanda.

Ondangwa United oyali hayi ithanwa Acacia F.C ndjoka ya totelwe mo 1999 na oya li ya lukululwa mo 2000 okuninga Ondangwa United.

Osipana ndjika oha yi longitha okapale keli Muuninginino wOndangwa konima yoombelewa dha NORED mOndangwa.

LEAVE A REPLY

Please enter your comment!
Please enter your name here