Oshigongi shaanafaalama yaMangeti

0
186

KuMaria Namupala

ONDANGWA – Aanafaalama yaMangetti oyali ya ningi oshigongi shotango shokomumvo shono  shali sha ningilwa mendiki lyiigongi mOndangwa oshiwike sha piti . Anafaalama mboka yali ya gongala oyaza kiitopolwa ya yoolokathana moshilongo

Konyala aanafaalama oyendji oyali ya holoka ,yo taya ikundi kombinga yiimuna yawo oshowo nkene yena Okuyi kalekapo yina uukolele pethimbo lyoshikukuta. Omunashipundi gwehangano lyo Mangetti Farmers Association Ismael Shailemo okwa hokolola kutya oyali ya tokola ya ninge oshigongi noku gandja uuyelele mboka wa pumbiwa kaanafaalama unene pethimbo ndino sho kwaana omvula ya gwana.

Moshigongi muno omwali mwa kalwa kaanafaalama oshowo komahangano ngono gali geya ga gandje uuyelele kaanafaalama mboka. Ehangano lyo AGRA olyali lya kalelwapo komunambelewa omukuluntu kOshivelo, Salom Kavari ngoka ali a indile aanafaalama ya longithe omayakulo gehangano lyawo yo ya gandje iikulya yina iitungithi kiimuna yawo,nokulongela kumwe.

Agribank okwali a kalelwapo ku John Nekwaya ,ngono pethimbo ta popitha aanafaalama mboka yali ya gongala a tseyitha kutya Ombaanga yawo oyi lilepo okugandja omakwatho oshowo omikuli kaanafaalama mboka yedhi pumbwa.

Nekwaya ta indile aanafaalama ya pule omikuli ko Agribank uuna ya pumbwa okulanda iinamwenyo,omapya omiti dhiinamwenyo,omashina,omambakumbaku oshowo ngele ya pumbwa okutula omeya pomahala gawo,yo taya shunitha oshimaliwa nethimbo. Tati ta indile woo aanafaalama mboka yeli momikunda ya paluthe nawa iimuna yawo yo ya kale taya pula uuyelele mboka ya pumbwa.

Esiku ndyoka lyoshigongi okwali kwa thanekwa ku hogololwe ewiliko limwe epe ashike molwa elelo ndyono lya kala tali lele uule womvula yimwe olyali lya monika tali longo nawa,iilyo yehangano ndika oyali ya uvathana opo ewiliko ndyono li shunemo miilonga lyo li tsikile noku wilika aanafaalama ngaashi lya kala tali ningi. Ewiliko ndino natango otali kala tali wilike uule woomwedhi 12.

Ewiliko ndyono olya thikamapo mokangundumutima kaantu omugoyi mono muna Ismael Shailemo omunashipundi, Petrus Gabriel Omupeha nashipundi, Tomas Ndiwakalunga omudhiginini gwiimaliwa omanga Jerry Haikali oye eli amushanga gwehangano. Shailemo ta ti otaya kala no ku ninga iigongi opo ya gandje uuyelele mboka wa pumbiwa kaanafaalama.

LEAVE A REPLY

Please enter your comment!
Please enter your name here