Ta pula a yelithilwe nawa

0
212

KuMaria Namupala

ONDANGWA – Aron Leonard omukalimo gwomomukunda Ondonga, okuli momalimbililo molwonkalo pokati ke nooyinakulu.

Leonard okwali a landitha ongombe komuntu gwontumba ndjono ta hokolola kutya okweyi pewa onga uuthiga wa za moongombe dha yinakulu ngoka a hula po nale. “Molwa onkalo ya tameke tayi nyengendje ondali nda tokola opo ndi landithepo yimwe yomoongombe dhandje ngame ndi kandulepo uupyakadhi mboka ndali ndina,” ta ti ngaaka.

Okwali a adha gumwe gomooyene yomukunda ete mu lombwele kutya ota landithapo ongombe ye ne mu kongele ando ngoka a pumbwa ongombe, mwene gwomukunda ngoka okwali a landapo ongombe ndjoka naashino oshali sha ningwa omvula ya ziko.

“Limwe lyomomasiku sho ndali ndayi kegumbo hono kuna dhimwe dhomoongombe dhandje ondali nda mono kutya oongombe ndatu dhandje ndhono dha valwa kwaandjono nda pewa uuthiga kadhimo,onda pula kutya odhayi peni oshoka ondali nda hala dhi ka thonwe,onda lombwelwa kutya anuwa odha landithwapo kookuku yandje aamwayina yameme,ondali nda mwena oshoka oya tindi oku pandje eyamukulo lyothaatha,” Leonard tati.

Ta hokolola kutya muKotoba gomvula ya ziko okwali a kwatwapo kopolisi naashi aka lombwelwa anuwa okwa patululilwa oshipotha sho a landitha ongombe ya yakwa,okwali a kala mondholongo uule woomwedhi ndatu, tati gumwe gwomooyinakulu okwa kala heya emu talelepo ye ta fundju aapolisi kutya ye omukonakoni gwoshipotha she aza kOshakati nonande ye keshi anuwa omukonakoni shili.

“Esiku limwe sho eya ku talelandjepo okwali a lombwelendje opo anuwa ndi lundile mwene gwomukunda ngoka a landapo ongombe yandje kutya okwa hekendje opo a landepo ongombe yandje ,nonande shino kashishi oshinima shoshili otaya toto owala omahokololo,kandu uvite kutya omolwashike yena uudhigu sho nda landithapo ongombe yandje yo ya landithapo dhandje ndhiya ndatu inaashiza pa pitikilo lyandje,nomolwashike ya hala ndi lundile mwene gwomukunda ngoka ,ngame ongame nda adha mwene gwomukunda nguka,tandi ya indile ya kuthepo mwene gwomukunda miinima yawo nongele oye nasha shili kohi pokati kawo naye shi kandulepo mbala,” Leonard ta gwedha po nga.

Tati konima sho a mangululwa oya kala taya kondjitha opo anuwa a totele mwene gwomukunda ngoka alandapo ongombe ye oohapu,oshoka nani anuwa oya pitile owala mongombe inaya hala Leonard yemwene oya hala oku mangithapo mwene gwomukunda nopwaana omatompelo. Tati okwa hala edhina lya mwene gwomukunda ngoka lya yelekwa,oshoka omuntu ito vulu okwiiyaka mwene,ye okwa landithapo ongombe ye ndjono a pewa uuthiga kuyinakulu.

LEAVE A REPLY

Please enter your comment!
Please enter your name here