Uudhano woongonyo wa galukile ishewe mOdoolopa yaKahao

0
240

KuShipi Elago

OKAHAO-Oshinyanga shoSekundosikola yEtalaleko mOkahao oshali sha udha shafa ofenya sho aalanduli yobokisa moshitopolwa yali yeya okuninga oombangi shoo uudhano mboka wa kala ethimbo nuule wa etha mo modoolopa ndjoka wali wa galukile mondambo ishewe.

Uudhano mboka wali wa unganekwa kEtalaleko Boxing Club owali omalolelo opo ku vule oku tothamo aabokisi mboka taya ka kalelapo Ookalaba dhuudhano woongonyo mOkahao kethigathano ndyoka lya tengenekwa tali ka kala kOkatana kuyele nuumvo.

Konyala omalugodhi geli 16 ogali ga mwenyeke oshinyanga shEtalaleko, no tsi oyali ya tsima kombanda yomeya sho omakanda gomOnekuni gali taga li ehete.

Omukwateli komeho guudhano mbuka Gideon Tomas okwati oya li ya longo nuudhiginini opo ya etepo ethigathano ndika lyaadhani ndyoka mboka yeli petameko lela lyuudhano wobokisa.

Okwati oyali ya kwathelwa kombelewa yUuministeli womaudhano mOkahao niikwa niipangitho yomaudhano naashika oshe ya kwathela shinene oshoka pethimbo ndika ka ye na nando omukwashilipaleki.

Nando uudhano mbuka owali shili pondondo yopevi lela oyendji mboka yathikile poshinyanga shEtalaleko oyeshi okushi hokolola oshoka uumati owali ta wu umbu oongonyo dha nanwa.

Konima yuudhano Aabokisi mbaka oyali ya tothwamo opo ya kakalelepo Ookalaba dhomOkahao momathigathano goongonyo monakuyiwa ,Ashipembe Abisai,Iipinge,Lukiiko Kanyolo,Iitembu Gerson,Ndeyanayi Jesaya,Iita Eliakim, Shigwedha Gabriel,Andrias Natangwe,Shikongo Johannes na Kleopas Junias.

LEAVE A REPLY

Please enter your comment!
Please enter your name here