Enzuna nomumati Valentine yuulikwa moNehale

0
289

ONAYENA-Oshindingili shomumati nokakadhonadhingi mesiku lyokudhimbulukwa ohole muuyuni (Mr & Miss Valentine) mosekundo sikola yaNehale oshali sha ende nawa mOlyomakaya yaziko.

Oshiindingili shika oshali sha ningilwa mosaala onene yosekundosikola yaNehale mono aalongwa yaamati naakadhona yali yakutha ombinga.

Momwaalu ogundji gwaamboka yali ya kutha ombinga methigathano ndika omwanuka omanyakwa ngoka geshi enditha nawa ngaashi Pinehas Kanduwapa, ngono ali a sindana oshishani shomumati dhingi omanga Martha Nelondo a sindanapo oshikoloni shokakadhona dhingi.

Aasindani mbano oya holola ngeyi enyanyu lyawo sho yasindana iishani osho wo omagano ngoka ge ya longekidhilwa. Engathithi lyaalongwa, lyaalongi osho wo lya iidheuli ndyoka lyali po olyali lyamwenyekwa kaahikingalo yomosikola nayalwe ngaashi Young Legends, DNS, Terror Squared, osho wo omwiimbi gwoongalo dhomuthigulukwalo Erastus Tsempo.

Aalongwa okwali yuuvite uugumbo kookume kawo, aanaskola pamwe nayo sho yali ye ya nyanyudha. Aakuthimbinga methigathano nayo wo oya pupula kombunda mboka yali ya longekidha oshiindingili shika noya tegamena natango mwaambyoka tayi landulako, oshoka omo haya mono oompito ombwanawa okuyambulapo iitalenti yawo.

 

Caption: (Nehale One+Nehale two)

Omukadhona dhingi nomumati gwoSoondaha moNehale esiku lyokudhimbulukwa ohole muuyuni.

 

 

 

LEAVE A REPLY

Please enter your comment!
Please enter your name here