A findikilwa kengafifi linene

0
195

ONGWEDIVA – Omukalimo womoMpugulu weongalo Onayena moshikandjohoololo shaNayena moshitukulwa shaShikoto, a findikilwa kongudu inene yovalilifya.

Meekulu Elina “Kangambala “ Mueendeleli Iivula okwa pakwa  Olomakaya yadjako momaendo a Nayena . Nakufya meekulu Kangambala okwa dalwa momafiku 2 Febuluali  1922 moMpugulu mOnayena. Ovadali vaye tatekulu Petrus Mueendeleli nameekulu Esther Niilonga Ihuhua, ova xulifa nale.

Ouyelele wa yandjwa komona Teopolina Nakapipi koshifo Kundana,meekulu Kangambala omutivali mokati kovamwaina omulongo; Anna Magdalena, Elina, Teopolina, Laina, Festus naHanna va dalwa efiku limwe, Aktofel, Jeremia, Eino,aveshe oumwoi ova tetekela nale moukwaalushe, onghelo Boas Mueendeleli oye aeke e li momwenyo paife. Omushamane waye Fillipus Fillemon Iivula okwa xulifa muSepteba 2002.

Nakapipi ta yelifa kutya, meekulu Kangambala okwa kwatwa kounghundi muKotoba 2014 a tambulilwa oule woshivike moshipangelo shepangelo shaKatutura moWindhoek. Okudja opo ounghundi waKangambala owa twikila  kate osheshi a tambulilwa moshipangelo shaNandjokwe mefiku lotete lohani ei, nokuxulifa oweenda momafiku 9 Febuluali, neudo.

Meekulu Kangambala okwa fiya ko ovana  Teopolina, Julia, Anna naFillemon. Oshiveli  Albertina okwa xulifa muFebuluali 2002 nokwa li e mu fiila ovatekulu omuwoi va kala pu inakulu.

Meekulu Kangambala okwa kala omukwaneongalo omunandjungu meongalo Onayena, a kufa ombinga moinyangadalwa ihapu yeongalo okudja mounyasha waye fiyo opomafimbo a xuuninwa. Okwa fiya ko ovatekulu 23 novatekululwa 27.

LEAVE A REPLY

Please enter your comment!
Please enter your name here