Gotlieb Ndokosho ota ka kondjitha Oscar Chaukegwa  mOutapi

0
175

OUTAPI-Aakalimo yomodoolopa yaOutapi niitopolwa yopopepi oombwa dhakwata odheni, shoKinda Promotions tayi ke mu etela uudhano woBokisa momasiku 28 Feb 2015.

Ndhika odha li dha popiwa ku Kinda Nangolo pethimbo ali ta popitha iikundaneki mpeyaka pOutapi etiyali lyaziko.

Kinda okwati uudhano mbuka otawu ka ningilwa pOlufuko Center moka Ndokosho ta kakondjela epaya lyo IBF International naChaukegwa omuSouth Africa.

Ta tsikileko tati utekete otawu adhikwa pOositola dho Woerman Brock Oshakati,Outapi nOngwediva.

Uutekete wakwalukehe otawu kosho N$ 50.00,  mboka hawu ithanwa VIP owuna N$ 200.00, omanga oshitaafula shaantu omulongo tashi kosho N$10 000.00.

Uudhanoo tawu ka tameka potundi ontiheyali yokomatango pOlufuko Center.

Kinda okwa holola wo nkene yeli monkugo yoshimaliwa noye li taya nana nondatu okuunganeka uudhano moshilongo.

Ota  indile kehe ngoka ena oshigwana komutima opo eya kwathele opo ya vule okutsikila noku unganeka omaudhano goludhi nduka moshilongo.

Ta tsikile ko tati pethimbo lyongashiingeyi oyeli owala haya hupu miimaliwa mbyoka haya mono melanditho lyuutekete.

Pepopitho lyiikundaneki opwali woMajora godoolopa yOutapi  Mathew Ndeshitila opamwe na CEO godoolopa yaOutapi Nashilongo Ananias mboka nayo ya ithana aaholi yomaudhano opo ya holoke momiyalu ominene opo ya yambidhidhe omaudhano.

Uudhano waNdokosho otawu katetekelwa komalugodhi gaaBokisi geli gahamano moka Anton Jaarman taka kondjitha Ndedisile Kafilengwa South Africa,Abraham Ndaendapona Josper Serokagwa South Africa, Varde Ndayambekwa naNaindjala Kapena.

Kongulohi oyo tuu ndjoka  Albinus  Felesianu otaya ka inika komakasha naLungisa Jikanigwa South Africa.

Kinda ta ti “Kinda Promotions oyili yanyanyukwa okuetela aakwashigwana yomodoolopa yaOutapi omaudhano goongonyo geli gaheyali.

Caption:

Kinda 1: Okuza kolumoho Mathew Ndeshitila, Kinda Nangolo,naNashilongo Ananias petseyitho lyuudhano mbuka kiikundaneki mOutapi

LEAVE A REPLY

Please enter your comment!
Please enter your name here