Iilonga kokapale kaSam Nujoma oili mokati  

0
200

WINDHOEK – Ehangano ndyoka lya tungile okapale ketanga lyokoompadhi kalukilwa Omukokoliperesidende Sam Nujoma keli moKatutura sha Windhoek olya tameke iilonga yoku opaleka ombinga yimwe yiipundi.

 

Buhrmann & Partners Consulting Engineers, olyo ehangano lyooinginia ndyoka lya tungile okapale haka omimvo konyala tadhi ningi omulongo ngashingeyi. Ihe omasiku ngaka ombinga yimwe yiipundi oya tameke tayi gu iipundi yosamende. Naashoka ehangano ndika kwali lya pulwa olya li lya ti otali ningi manga omakonakono opo ihe otali ka gandja okoomenda nenge otali ka popya kutya otali ka opaleka eyonuko ndyoka.

 

Iiwike ya ziko oshipambu shimwe shopaviliuna ndjoka yaana omunzile oya li tayi hala okuteka kombinga yokuuzilo, naashika osha li sha nika oshiponga kaatali yuudhano uuna taya tala etanga.

Omuwiliki gwehangano Bührmann & Partners Consulting Engineers, Peter Roland okwa koleke kutya konima yomakonakono gomuule ehangano lye olya koneke kutya oongudhi oshowo omitenge ndhoka dha li  dha kwata iipundi odha hiluluka  nenge odha mono uunkundi naashika osha fala sigo oompoka kutya iipundi mbyoka ya li ya tulwa kombanda yomitenge noongudhi ndhoka oya zi pomahala gawo onkene opwa holoka okwaa thikama nawa kwiipundi mbika. Ishewe mbika oya li ya nika oshiponga kaatali yetanga lyokoompadhi.

“Otwa tameka iilonga yoku opalekulula ehala ndyoka lya yonuka pokapale mpoka, mbyoka tandi dhiladhila kutya otayi kapwa muule wiiwike iyali.Otwa li wo twa ningi omakonako gokapale akehe niipundi yako notwa mono kutya kakele kehala mpoka pwa yonuka okapale akehe okeli monkalo ombwaanawa’” osho Roland ati.

Okapale kuudhano  wetanga lyokoompadhi haka oka manithilwe okutungwa muApilili  2005 ka kuthilepo ooN$ 64 oomiliona.Okapale okalukilwa Omukokoliperessidende gwa Namibia, Omundohotola Sam Nujoma, ngoka woo oye eka egululilile iilonga yako pambelewa.Okapale okatungwa niimaliwa yoshigwana okufala uudhano wetanga lyokoompadhi kaantu mboka yali ya ningililwamo.

Caption:

Okapale ka Nujoma STADium jpg –

Pehulilo ehangano lya !… Buhrmann & Partners Consulting Engineers mokati koshiwike  shayi olya tameke okulongulula noku opaleka iipundi pokapale ka Sam Nujoma moKatutura. Mbika okonyala yi gwile pevi. Photo: Otniel Hembapu

LEAVE A REPLY

Please enter your comment!
Please enter your name here