Mushiinda mekwatokoonkondo lyokanona komivo 8 ‘Okwe ka heka noN$1 nokaleke kosmooth’  

1
326

IIPANDAYAMBALANTU- “Nakale okwa hilile ndje miilya okwa hula ndje oohema dhandje tatula omunwe gwe mungame omanga a kwata ndje komulungu ndaa kuge. Okwali ta ndi ehama unene.  Konima okwa sitamene ndje nokwa file ndje omavi poshinena opo anuwa ndi kukute…” ngaka ogo omatumbulo gokanona koomvula hetatu hoka ka omasiku ngaka ka longelwa iihuna yopaihulu komushiinda woomvula 33.

Okanona hoka kali ka ehamekwa nokwa li ka falwa koshipangelo shepangelo kOutapi hoka a pewa epango, ota ka ulike kaakena naana otseyo ya gwana kutya oka longelwa iihuna ithike peni. Oka hokolola woo kutya omufekelwa okwe ka pa okaleke kosmooth noN$1 opo kaaka hokolole sho eka ningile.

Aakwanezimo yokanona haka oya indile opo omulumentu nguka taku fekelwa a longele okanona haka omuyonena gwopaihulo a pewe egeelo nokufutithwa nomolunyala.

Omufekelwa Ambamba Nakela Matias ngoka taku ti okwa fa iigilila  oku ya naanona miihulo, opo a egululilwe mondjedhilolo nokwa li a longele nale ondholongo oomvula ne omolwa ekwato koonkondo lyokanona komupambele gwe

Oshiningwanima shika shopaife osha hokololwa shaningilwe Olyomakaya ga piti lwopotundi 20h00, shaningilwa momukunda Iipandayambalanu moshikandjhogololo Ogongo moshitopolwa Omusati. rape-minor-1

Pahokololo lya yinagona yomunona ngoka, omufekelwa okwa li anuwa a monika ku yina yomunona ngoka megumbo moka lwopotundi 19h00, ndele anuwa mwene gwegumbo nguka iniipula unene naye, molwashoka kali uuvite nawa esiku ndyoka.

“Meme okwa li ta vululukwa po mondunda ye omanga ngame ndali tandi teleke uulalelo pelugo, nangame omufekelwa onda li nde mu mono nonde mu popitha. Kandali nda nongele sha nenge ndi dhimbulule kutya ngiika okuna sho a hala okuninga unene tuu shoka ndi shi kutya ye omushiinda shetu’osho yinagona ta ti.

Yinagona yokanona okwa fatulula kutya omufekelwa okwa lita popi nuunona utano mboka wuna omimvo okuza pumbali sigo oomvula omugoyi, ihe konima okwa ka lombwelwa kutya okwa zipo nomunona  gwomimvo hetatu.

“Onda kongo apehe tandi mwiigidha kedhina ndele ka pwali eyamukulo nenge omunona nguka kali iitaale. Onda tameke oku kala nda tila na onda tokola okuya kegumbo lyomufekelwa ndika tale ngele oko ye li ihe onda lombwelwa kutya omufekelwa okwa zimo nale megumbo pethimbo lyomwiha. Onda tseyithile aashiinda  noshowo aantu megumbo na otwa tameke okulandula ompadhi ye, ihe oshali oshidhigu okuyi mona molwashoka okwa li kwa wiwila,” osho yinagona a popi nongeyo.

Okwa ti sho aashiinda ya thiki oya ithana ishewe omunona ngoka ye nokwa itaale omanga ta hituluka miilya oye awike. “Onda endelele okumu tsakaneka nonde mu pula kutya okwa li peni nokwe tu lombwele kutya okwa li  nomufekelwa, Ambamba Nakela Matias ngoka anuwa emu hilile miilya noku mu lala koonkondo,” osho yinagona a ti.

Okwa okwa tokola opo a ka ithane mwene gwegumbo moka mwa kala omufekelwa opo eeye a pulakene ehokololo.

Anuwa sho a thiki pegumbo ndyoka okwaadha omufekelwa a edhila egumbo okuya keelela opo mbaka ya yemo mulyo, ta pula ishewe kutya otaya kongo shike megumbo moka?”

“Okwa tameke tetu tilitha kutya otetu dhenge noku tu tidha, onkene otwa ithana opolisi, ndjoka ya thiki mbala mbala. Ashike Elago enene oondika kutya omufekelwa okwa adhika nale a kwatwa po kiilyo yElyenge lyaakiintu naalumentu yiimanga kumwe mokukondjitha omiyonena,” osho Kamati a hokolola kutya iilyo yo network  oya kwathele mokukwata omufekelwa ngoka a holokele mohofa yamangestrata mOutapi Omaandaha oshiwike shika. Okwa tindi kutya okuna ondjo moshinima shshipotha she osha undulilwa komasiku gali ga Apilili nuumvo.

Omupopiliko gwopolisi moshitopolwa Omusati, Warrant Lineekela Shikongo okwa koleke kutya omufekelwa okwa kwatwapo kopolisi  na okwa holokele mompangu yamangestrata Omandaha.Okwa ti oshipotha she niihokolola ye oya undulilwa komasiku gaali ga Apilili omanga omakonakono gopolisi taga tsikile.Aakwashigwana momukunda moka oyati omufekelwa opo aadhikile a zi mondholongo sho ali a kwatwa ishewe moshinima shoku kwata aakiintu koonkondo omimvo ne dha piti.

Pic: Rape minor 1

Caption: Omunona  omushona ngoka a dhanenwa.

Pic : Rape minor 2

Caption: Rape minor rw Aakwanezimo ya na kuningilwa omuyonena otaya indile opo uuyuki wu longwe moshinima shika.

 

 

1 COMMENT

LEAVE A REPLY

Please enter your comment!
Please enter your name here