Nkene esiku lyohole lya  tyapulwa mEenhana

0
172

EENHANA – AaNamibia na yo oya li ya dhimbulukwa esiku lyohole Olyomakaya gayi. Esiku ndyoka oositola dhoongala  oshowo ndhoka hadhi landitha omagano odha li dha landitha nawa. Ihe nee aagundjuka modoolopa ndjika oya talako kutya oshafa esiku lya ningwapo lyuunangeshefa.

Uuhampi woongala moositola odhindji ngaashi PEP, Shoprite noositola dhaa Kiina owa li wa landwa nawa  meendelelo owindji owa landwa kooN$50 kehe kamwe.

Omanga uukalata woValentine wa li tawu landwa  ooN $20 kamwe kehe taka endele kumwe nondjato yombapila.Manga oyendji ya li yi ipyakidhila noku  landa omagano, ooyakwawo yamwe kaya li yena eitulemo lyasha mwaashika  ya pula nookuli kutya esiku ndika oli lilepo shike?

“Omuyapuki Valentine oye olye?  Onda uva kutya ye okwa li e hole iipala  onkene omolwashike ndina oku mu dhimbulukwa noku tyapula esiku lye? Inandi itaala mesiku lya Valentine, nomolwashika inandi landela omukadhona gwandje  sha. Otandi ke mu uvitha nawa esiku kehe ndele ha mesiku ndika,’ osho Patrick Nekwaya a popi. Nekwaya omwiilongi guupangi ngoka ta idheula nenge ta longo  metonatelo poshipangelo sho shitopolwa mEenhana.

Omadhiladhilo ge ogafa ge niwe koyendji yaagundjuka unene tuu mboka aalumentu modoolopa ndjika onene moshitopolwa Ohangwena.

Paulus Fikemeni, omuiilongi gwiikwakompiuta  a za kOndobe okwa ti ye ina itulamo mokudhimbulukwa esiku ndika omolwa eitaalo lye.

“Esiku lya Valentine osho oshituthi shaapagani, sha tamekele moRome.Osha li oshituthi shasimana hashi ithanwa sha Lupercalia mono aakiintu ya li haya tondoka   inaa ya zala sha momapandaanda.Omuyapuki Valentine kena ekwatathano lyasha noMbiimbeli nenge nuuKriste nonando  ndika edhimbuluko lyeso lyomuyapuki Valentine’’ osho a ti.

Okwa ti molwashoka ina thiminikwa okudhimbulukwa esiku ndika  onkene okwa si oshimpwiyu kutya  ye ina zala omizalo omitiligane, omiluudhe nenge omitokele omalwaala ngoka haga kwatakanithwa nesiku lya Valentine.

Omanga Labani Kaukungwa, omuiilongi mokufikila iitenda noku shita iikwatenda menongelo lyuungomba mEnhana ita tsu kumwe na Nekwaya.

“Ondina oku landa ochokolate yoludhi lwo Ferrero Rocher,,okamwanka noongala dhorose  okudhi pa omukadhona gwandje.  Inandi itaala mesiku lya Valentine oshoka nguka ogwo owala omukalo gwaanangeshefa oku yelutha okulandwa kwawo unene tuu oositola oonene noshowo ndhoka dhiikulya.Oshikwawo ondishishi kutya aakadhona ooyakwawo otaya kala noku ulika omagano ngoka ya pewa komahewa gawo,  unene ngele ngame inandi mu landela sha, na ota ka kala kee uvite nawa,’ osho a fatulula.

Nando ongaaka aakiintu aagundjuka oya li ya zala olwaala lwa Valentine.  Oongala dho roses odha li tadhi landwa noonkondo okuza koositola dhaa Kiina  koPepa okuya koosalona oshowo koositola dhomalovu ongula sigo omokati komutenya Olyomakaya.

“Onda zala olwaala olutiliganene nena oshoka otandi dhana ohole , ndele haku dhimbulukwa iilonga yehangano hali ithanwa lyoonteho , ndyoka tali kwatakanithwa nesiku ndika.Onkene onda zala olwaala lwohole nena oku ulika kutya onda pumbwa ohole, osho Asteria Patrick ati.

Victoria Haufiku (21) okwa popi ngaashi Asteria ati ,  “Ondi na okuthiminikwa okulandela omumati gwandje sha ngaashi shika sha ninga omukalondjigilile, na ngame onda tegelela wo ye a landele ndje sha, onkene ondina omagano ge mondjato ndjika ontiligane.Ondina oku kala naye nethimbo lyoopala unene tuu sho ye eli omuntu nde mu iiyoololela’ osho a popi.

Omunangeshefa gumwe omuKiina okwa ti aantu nenge aalandi oyendji oya li ya landa oongala mositola ye , okulandela aaholike yawo.

“Nuumvo oongala dhetu odha li dhina iimaliwa oyindji molwashoka ndhika odhoplastika na ohadhi kala ethimbo ele, ihe nando ongaaka aantu oya li yeya okulandela aaholike yawo.Oyendji oya li ya fuulwa ku nkene twa  longekidha oongala ndhoka. Ihatu landitha ashike oongala dhorose ndela ohatu landitha wo ndhoka hadhi ithanwa oolilies na dhilwe .”osho omunangeshefa gwokuuzilo a popi..

Caption 1;

Valentine Esteria Patrick (30) okwa ti aaNamibia aagundjuka na ya ilonge okupandula molwohole nokusimaneka ohole mesiku lya Valentine.

Caption 2;

Valentine 1

Victoria Haufiku (21) okwa itaala kutya esiku lya  Valentine esiku lya shewelwa aaholathani  na okwa landele omumati gwe omagano mesiku ndyoka.

 

 

LEAVE A REPLY

Please enter your comment!
Please enter your name here