Ohangwena Nampol no Ongwediva Medipark mondamb

0
152

 

OSHAKATI- Sho oliha yokatanga komokambamba miitopolwa yokoNooli yili lela pehuulilo Osipana owala mbali dhina ompito okusindanapo uudhano mbuka naashika oshili momake gOsipana yOhangwena Nampol nOngwediva Medipark.

Osipana ndhika mbali odhili dha thigapo Oosipana oonkwawo niitsa oyindji naandjoka tayi ka sindanapo uudhano mbuka mOlyomakaya otayi ka kala yina ompito yaandjuka yokusindanapo oliha ndjika konima sho taku ka kala ashike kwa hupa omaudhano geli gaali.

Medipark oteya muudhano mbuka niitsa 22 omanga Ohangwena tayi ya niitsa yili 24.

Uudhano mbuka wa talika omeho omanene owo mboka tawu ka kala pokati ko KK Palace no Tropical Heat.

Oliha ndjika oyili tayi koko omumvo kehe nonuumvo Oosipana dhili heyali odhali dha kutha ombinga momaudhano ngaka.

“Ongwediva Medipark oyo yili enyakwa lyomvula yaziko ashike Ohangwena Nampol otayi monika yanotelwa okusindanapo uudhano mbuka” Nandjigwa Abraham tati ngoka eli omupopiliko goliha ndjika.

Nandjigwa okwati Oliha ndjika ohayi kwashilipalekwa kongeshefa yo Ileni Cleaning Services moka kwa tegelelwa ekwashilipaleko li keye pehuulilo sho Oliha tayi kapwa konima yiiwike iishona.

Ota indile Aanangesefa koombinga noombinga opo yeye yakulileko Iileni Cleaning Services moshimpungu shekwashilipaleko.

Ota indile aaholi yomaudhano opo yathike pokapale ko Independence Stadium opo ya kaninge oombangi yo yeye yi inyanyudhe wo.

Uudhano wOngwediva Medipark no Ohangwena Nampol otawu ka taameka potundi ontiyali yomutenya.

Net 1 : Nandjigwa Abraham omupopiliko goliha yokatanga komokambamba koNooli

 

 

LEAVE A REPLY

Please enter your comment!
Please enter your name here