Omuuhalo gwaailongi aakriste mOshikoto

0
331

ONYAANYA – Ehangano lyaailongi aakriste ndyoka hali ithanwa Student Christian Movement (SCM), moshitopolwa Oshikoto olyali lya longekidha omuuhalo gwowina gwali gwa ningilwa mosekundeskola Uukule mOnyaanya.

 

Omuuhalo nguno okwali gwa ningwa Olyomakaya ga piti.  Omulongiskola mUukule nokuli gumwe gwomaalongekidhi yomuhalo Josua Tembu, okwali eshi yelitha nawa kutya oyali ya longekidha opo ya ninge omuuhalo nguka manga aanaskola opo ya tameke ootundi, yo ya kumikathane muukriste noku tseya woo oohapu dhomombiimbeli.

 

Tembu tati oyali ya hiya konyala oosikola adhihe mOshikoto nopuushinda ndhoka dhina aanaskola haya gongala mo SCM. “Aanaskola oyali ya gongala nawa shili,oshoka konyala oosikola ndhoka twali twa hiya dhili 11 adhihe odhali dha holoka no ku tungathana pambepo,otwali twa longekidha iipopiwa oshowo otundimbiimbeli ndyono yali ya ningwa ku gumwe gomaanaskola,” Tembu tati nga.

 

Gumwe gomaaunganeki yomuuhalo  Aina Ndengu (Mommy) pethimbo ta popitha aanaskola okwali eya kumagidha opo ya simaneke aakuluntu yawo ngaashi oshipango tashiti simaneka ho na nyoko opo wu kale wuna elago nomwenyo omule kombanda yevi.

 

Mommy ta kumagidha aanaskola mboka haya pewa iimaliwa kaakuluntu ihe ohaya ka landa owala omalovu,teya kunkilile ya yande onkalo yokukala puundingosho no kunwa taya kolwa,tati  ngele oya hala okukala taya nu omalovu naya tege ya mane eilongo lyawo yo ya ka tsikile kiiputudhilo yopombanda.

 

“Etheni iinima yuuyuni oshoka kayina mpo tayi mu fala,meilongo lyeni kaleni tamu pula oonkondo ne tamu kala hamu galikana ethimbo alihe opo Kalunga emu kwathe mu kehe shoka tamu longo,simanekeni aalongi yeni ne tamu kala tamu pula omakwatho kaalongi mpoka kaamu uvite,aluhe ombedhi onkelo ngele omwa pewa ompito yoku ilonga etamuyi hepeke nena otamu ki ipa ombedhi nuusama pehulilo,” Mommy ta gwedhapo.

 

Mathew Shipena okwali a ningi otundimbiimbeli mono ali a kumagidha aanaskola aakwawo opo ya kale haya lesha Ombimbeli,yo taya kala haya koneke aluhe oohapu dhomombiimbeli,aanaskola oyali yayi moonkundathana yo taya longathana gamwe gomomalongo gomombiimbeli.

 

Olyomakaya ndjoka aanaskola oyali taya mwenyeke esiku lyawo yene noondjimbo oshowo uukolasa. Oyali ya ningi omathigathano goondjimbo mono osikola yaNehale yali yeya yotango noya pewa omagano omanga Onyuulae yeya puutiyali. Opwali woo pwa ningwa ekondjelo lyoshipakete mono oosikola adhihe dhali dhayi medhigathano sho ya umbu ongalo mono Oskola ya Rev Juuso Shikongo oyo ya sindanapo oshipakete sho yu umbu ye vulithe ayehe,Ekulo olyeya puutiyali nOnyaanya Youth Choir ye ya puutitatu.

 

Captions: SCM;

Pic : SCM : Aanaskola yomehangano lyo SCM pethimbo taya imbi uukolasa noku mwenyeka esiku lyawo.

SCM2: Aanaskola yopoNehale mboka ya sindana methigathano lyokwiimba.

LEAVE A REPLY

Please enter your comment!
Please enter your name here