Opolifi mOhangwena ya kwata vatatu

0
288

Komutoolinghundana

ONWEDIVA – Opolifi moshitopolwa shaHangwena oya kunghilila oshiwana shiha ye vali meenghundafana nomunhu uhe mu shii, oshiwana shiha hekwe vali shi fiile eengangala eendjato ngee wa uka mofitola, ilo omukwashiwana ta hekwa a fute oshiima ine shi mona ngee okukutwa moilonga.

Ekunghililo eli ola ningwa komupopiliko wopolifi moshitukulwa shaHangwena a endulula komesho e holoko etivali momhangu yamangestrata mEenhana yovafekelwa Martin Embashu weedula 30, Ndapanda Martin womido 22 naJohanna Ndeulita weedula 27 ovo va kwatelwepo mu Januali ,neudo.

Ava ova   a kwatelwa mOshakati nomOndangwa, eshi va longifa eengodi va nyeka oshiwana nokuholoka momhangu yamangestrata waEenhana,ova tamanekelwa oshibofa shokukengelela oshiwana. Shisande Kaume Itumba okwa tile opolifi oya patululile  epeko  muDeseba , 2014 konima yokukwata ovafekelwa ava va kengelela oshiwana pamikalo da yooloka.

. Embashu okwe likulila  mo N$800.00 ashike Martin naNdeulita ova li natango modolongo yaEenhana shaashi kavali ve na oshimaliwa shokwiikulila mo. Ova hangelwe neeNokia nhatu neeSamsung hetatu da nyekwa oshiwana mokukotokela keenhele ngaashi oKongo, Eenhana, Ondangwa nOshakati.

Otava ka holoka vali momangu  yamangestrata  wEenhana oshivike tashi uya.

Itumba okwa ti, ovafekelwa ohava kotokele oshiwana peenhele neenhele, poivelo yeengeshefa okulikundifa oshiwana nelalakano loku shi nyeka.

Opolifi  yoshitukulwa shaHangwena natango otai shikula ovafekelwa hava longele kumwe naava va kwatwa po.

LEAVE A REPLY

Please enter your comment!
Please enter your name here