Opolisi tayi dhimbulukwa esiku lyayo nena

0
206

ONGWEDIVA- Opolisi yaNamibia otayi tyapula esiku lyawo nena mOshakati moshitopolwa shaShana moka woo tayi ka patalula pambelewa ehwahwameko ngundu yedhina Turn Back Crime Global Campaign mo naNamibia.

Opolice otayi ka tyapula esiku lyawo lyopolisi sho tayi gwaitha oomvula 24 nuumvo, nonando esiku enene olya li lina okukala lya tyapulwa omumvo gwayi muNovember ihe olya undulilwa monena molwomatompelo gasimana ngoka gali ga gandjwa kaaleli aakuluntu.

Mesiku tuu omomuka otamu ka graduate aapolisi aapepeka mboka yaningi oomweedhi hamano komaudheulilo kondangwa noshowo komahala gamwe gi ili no gi ili.

Aamati naakadhona aaNamibia oya li yeshipondola oku pita moomadhewo omadhigu nomapu ngoka haga dheulilwa omupolisi a pyokoka moshilongo.

Shiikololela kuuyelele wagandjwa ku Kundana komupopiliko gwopolisi moNamibia Chief Inspector Slogan Mateus , enene siku ndika otali ka endiwa kaaleli aakuluntu ngaaashi Omupresidente omupe gwoshilongo omusamane Hage Geingob, omupresidente eli koshipundi omusamane Hifikepunye Pohamba , Ministeli yegameno noshowo omukuluntu gwopolisi koonono .

Mateus okwati oshigwana ashihe osha tegelelwa opo shininge oombangi dhesiku ndika lyanuninwa owina kaapolisi.

Mesiku nee ndika aapolisi oya tegelelwa ya kale ya kutha ombinga miinyangadhalwa ya yooloka ngaashi omaudhano, okusaluta momukalo tagu fuula noshowo okusimaneka omuzalo gwawo mukuguzala taya monika nawa.

Mateus okwati mesiku ndika ota mu ka kala iipopiwa oyindji mbyoka aakwashigwana ya tegelelwa yaye ya ka pulakene yo yaw ape oku hafela pamwe naapolisi mesiku lyawo.

Aapolisi mbaka oya Tameka nale nopolohalama yawo ohela ongula take mufaalele sigo onena ndjika.

Opolisi oyali ya totwa muMalitsa omumvo 1990 na nuumvo oya tokola opo ya dhimbulukwe esiku lyawo lyowina mOshana.

Otaku hokolwa nee kutya aakalekipo yoveta nelandulathano otaya ka maashinga okuza kOngwediva sigo okOshakati opo ya mwenyeke oshigwana yo yene.

Ehwahwameko hangano ndika olya totwa nelalakano oku kondjitha iimbuluma muuyuni moka woo muna iilonga yomuuyuni yili 190, ehangano ndika olya totwa po kopolice yopondje yedhina Interpol.

 

LEAVE A REPLY

Please enter your comment!
Please enter your name here