Shileka  okwati ye ihali omindamba

0
307

ONDANGWA-Omunageshefa gwopokati ngoka opo ashike a yi okwa londodha aakalimo yomomukunda Ongha moshitopolwa shaHangwena opo ya hulithe po oohapu ndhoka dhaana uushili dhokutya ohali aantu omindaba.

Simeon Shileka omungashefa gwepipi lyopokati okwati aanamukunda gwe oye mu totela ehokololo kaalina oshili kutya aniwa okwa lya okamatyona kOkayelele nenge komuhoko gwaaSan omindamba. Okamatyona kedhina Shilongo Stefa anuwa akali ka monika lwahugunina ka uka paandja yaShileka omanga inaa ka kana.

“ Ngaye omumati inandi mu mona momeho gandje na kali ha longelendje ashike aantu yopomukunda gwetu oya totelendje ehokololo kutya ngame onda lya omulumentu ngoka omindamba. Okuza mpoka ondali nda ningi onkambadhala opo ndi konge nuudhiginini omulumentu ngoka ngame ndi wape oku yeleka edhina lyange,” Shileka ati ngaaka.

Shileka ngoka ngashingeyi ta pula ombili neyeleko lyedhina lye moshigwana okwati kutya ye omulumentu ngashingeyi okwe mu mona na okwa hala kehe ngoka a li ta taandelitha ehokololo ndyoka moshigwana eshi hulithe po meendelelo.

“ Ngashingeyi omulumentu otwe mumona twe mu adha kegumbo limwe ta longo ongo omuniilonga gwomegumbo na ye okwati okwa li ashike a ka konga iilonga ye kena mpoka aya. Ihe kandishi kutya omolwashike aanamukunda mbaka yena okukala ya totela ndje ehokololo lyoludhi ndoka,” Shileka a hokolola ngaaka.

Shileka okuna oombesa mbali dho Iveco noshowo oondingosho oonene  ashike aniwa ye mongeshefa okweya mo sho a tameke ta hingi oombesa eta longo  nuudhiginini opo a lande ombesa ye yemwene ndjoka woo ya vala onkwawo.

“ Ngaye ondiwete kutya aantu mbaka oya dhininandje omaliko gandje na otaya kambadhala okunyateka edhina lyandje opo oongeshefa yandje yi yiwe moshipala kiinima yowala,” a hokolola u uvite nayi.

Okwati kutya ngoka ta ka uva natango ta hokolola omahokololo gwoludhi ndoka nena okuna oku kala emu geela oshoka omuntu ngoka a nyatekitha edhina lye okwe mu mona nale.

Okwa londodha woo aakwashigwana ya ikaleke kokule noohapu kaadhina uuyelele oshoka limwe lyomomasiku ona ye kedhikalela po .

Pic : Omindamba

Caption : Simeon Shileka yeli na Shilongo Stefanus ngoka a li ta lundilwa emu ikolekapo omindamba anuwa.

LEAVE A REPLY

Please enter your comment!
Please enter your name here