Taya kongo mumwayina

0
186

TSANDI – Wilibard Martin Hashikoto omukalimo gwomomudhingoloko gwaTsandi mUuukwaluudhi, pamwe naamwayina otaya kongo ekwathelo moshigwana opo shi ya kwathele mo ku konga okamwayinamati hoka kaa yeshi mpa ka kala.

Martin ota hokolola kutya okamwayinamati hano ohaka ithanwa Tangeni Petrus Martin ka valwa mo1997, ka valelwa mOndangwa, yina gokanona haka ngoka anuwa a tseyika owala nedhina Klementine okwali ha kala mondoolopa yaNdangwa

“Tate gwetu  okwali aya komadheulo gaakwiita mo 1998 nokonima sho a ka galuka okwa adha yina yokaana ayehe ya zamo mOndangwa no kali eshi kutya oyu uka peni, manga ali momwenyo okwa kala ta ningi oonkambadhala ashike ina mona mpoka yu uka,” Martin tati ngaaka.

He yuunona mbuka oye  Martin Fillemon a zile kOnamugolo kOshaango ngoka a manene oondjenda dhe mo2006. Martin okwati otaya kongo okamwanamati haka shi nasha nuuthiga wayo ko GIPF mboka ya thigilwa kuhe sho a mana oondjenda, tati oya kala noku ninga oonkambadhala taya gandja omatumwalaka moradio ashike inaye ka mona nande.

Otaku fofotolwa anuwa okanona haka keli moXangongo moAngola, ta indile nesimaneko enene opo kehe ngoka ena uuyelele mpoka tapu adhika okanona haka a kale a ninga ekwatathano nayo meendelelo,tati oya pumbwa okumona okamwayina haka mbala yo ya vule okupewa  uuthiga wawo.

Tati oyali woo ya ningi onkambadhala yemu konge moradio ya Angola nomiifokundaneki ashike oonkambadhala adhihe odha hulile muunyengwi. “Otatu indile oshigwana oshiholike shi tu kwathele mo ku konga okamwameme haka nongele opuna gumwe eshi mpa keli nenge kokene ngele oku uviteko na ya ninge ekwatathano natse mbala,” Martin tati ngaaka.

Martin ota monika konomola yongodhi ndjika 0814131087 nenge ku dhengelwe mumwayina gulwe ishewe Samuel Martin ko 0813572441, taya pandula oshigwana sho tashi ya  kwatha moshinima shika.

LEAVE A REPLY

Please enter your comment!
Please enter your name here