Va deulilwa okudana oinyandwa

0
266

Luderitz – Ehangano loku yula eeshi mo Liindili le dina Seaflower Group of Companies, odula ya ya mu October ola ya ndjele oshimaliwa shifike N$60 000, opo ku deulwe ovanyasha modoolopa ei nelalakano ku fikamifwepo oprojeka yo kudana oinyandwa tai ufanwa Luderitz Theatre Youth Project.

Omunambelewa pitifi ta kwafele mo Seaflower oo naye yoo eli omudani woinyandwa, Mike Nghipunya , okwa tumbula kutya ehangano eli , o lelilongekida oku yambulapo oshiwana , paku yambidida epangelo , ngaashi pena Ouministeli wOvanyasha nOmaudano nomifyuululwakalo. Nghipunya ta yelifa kutya eyambidido eli ola etwapo noshimaliwa shadja moshikondo osho shi nasha noku yandja omavatelo moshiwana, okudja mwaasho sha likolwa kehangano lokukwata eeshi lo Seaflower Group.

Oshimaliwa osho osha yandjwa nee nelalakano ku deulwe ovanyasha ovo ta va kala noku dana oinyandwa modoolopa ya Liindili, osho Nghipunya a tumbula kutya oshili oshitopolwa sho ku koleka oshikondo sho mifyuululwakalo mouministeli wo vanyasha. Nghipunya okwa indila ovanyasha ovo veli eenghulungu ve litulemo nova kufe ombinga momadeulo oludi eli.

Omudani woinyandwa ashiivika nawa muNamibia, Armas Shivute Armas, oye ta yandje omadeulo pukululo anghene ovanhu vena oku dana oinyandwa, omanga omwiimbi Tequila Iita naye yoo ali amona omhito mu October 2014, opo euye alonge ovanyasha , nghene tava dulu yoo okuimba nokushika eengalo .Ongudu yotete oya deulilwe mu October 2014, nongudu onhivali omuDecember 2014. Ongudu onhi nhatu oya deulwa mu February 2015

Efiku lo Valentine , olomakaya olo twadja , ova dani voinyandwa ovo va deulwa oku hovela October wodula yaya , ovali va shiiva ovakalimo vo modoolopa opo veuye pamwe noku tala oshinyandwa osho ta shipopi kutya “ eshi wakuna , osho ngoo toteya”.

Ovanhu vahapu ovali nee va ongala mo saala ya German Hostel komatango olomakaya tuu olo, Mayora wodoolopa ya Liindili, Suzan Ndjaleka oshoyo Omunambelewa pitifi enasha neyambulepo lodoolopa Flucksman Samuel , navo yoo ovali vamona omhito yoku pwilikina nokutala oshinyandwa sholudi eli.

 

 

 

 

LEAVE A REPLY

Please enter your comment!
Please enter your name here