Wilhelmina oye ontana dhingi poHeroes  

0
306

ONDANGWA – Ngaashi shili omukalondjigilile kutya aluhe momasiku 14 ga Febuluali,aantu muuyuni awuhe ohaya dhimbulukwa noku tyapula esiku lyohole mono haya ulikilathana nkene ye holathane.

Molwaasho esiku ndika olyali mOlyomakaya ,aalongi oshowo aanaskola poskola yaHeroes mOndangwa oyali ya longekidha opo li tyapulwe mEtitano. Shino oshali sha ningilwa moshinyanga shosikola,mono aalongwa ayehe posikola mpaka yali ya zala omuzalo omutokele nomutiligane oshowo omuluudhe kwaamba yaa hena ndhoka mbali.

Esiku olyali lya tyapulwa nawa nokonima okwali kwa longekidhwa ethigathano lyokakadhonadhingi posikola ayihe. Maria Amakali ngoka oye omuwiliki gwaanaskola poskola mpaka okwa ti oyali ya longekidha esiku ndika owina, yo ya tale ontana ndjoka ya nukapo yi vule onkwawo.

Wilhelmina Ngalangombe ngoka eli mondondo onti-9 oye ali a kangele ayehe sho eshi ku pungulula oonto, nokwali a ulikwa onga oye okakadhonadhingi poHeroes. Ngalangombe okwali a holola enyanyu lyambishi megumbo mwa tselwa pethimbo ta zalekwa oshikoloni sha Miss Valentine.

Ngalangombe tati nonande methigathano oya kuthile ombinga oyendji,petameko okwali a tila ashike okwa holola kutya kali ando e wete oye ta sindanapo oshishani shika nonande a kala nomukumo. Tati shino hasho oshikando shotango ta kutha ombinga momathigathano goludhi nduka.

Ontana dhingi ndjika tayi tsu omukumo ayehe mboka ya kuthile ombinga ihe inaya mona ompito yokusindana. “Aluhe ngele omuntu toyi methigathano lyontumba ohapu kala omusindani nomudopi,nonande kapuna ngoka ha kala a hala a thigwepo kumukwawo,inamu sa uunye tsikileni nokukutha ombinga esiku lyeni tali keya shito ne mu zalekwe iikoloni ngaashi ngame ndeshi mono no kandali ndeshi tegelela,” Ngalangombe ta gwedhapo ngaaka.

Wilko Julius oku ulikwa oye 1st princess omanga Theopolina Uupindi oye 2nd princess. Gumwe gwomaalongekidhi yesiku ndika lyohole poskola mpaka,  Hella Egumbo okwati methigathano muka omwali mwa kuthwa ombinga kuukadhona omulongo nuuyali mbono wali tawu ulike iitalenti niipewa yawo.

Egumbo ta holola kutya esiku olye enda nawa lela ku faathanitha noomvula dha piti. Ongundu yoDCK’S,Mighty Kings oshowo Terror

Squad oyali ya nyanyudha aanaskola pethimbo lyoshiindingili.

Captions:

Pic : Miss Valentine- Aalongwa poHeroes taya tala DCK’S sho tayi nyanyudha noondanisa.

Pic : Miss Valentine1- Wilhelmina Ngalangombe ta monika a kuutumba oshowo yamwe yomaalongekidhi yesiku ya thikama.

LEAVE A REPLY

Please enter your comment!
Please enter your name here