Asia okwa hala okukutha ombinga muMiss Namibia

0
588

ONYAANYA – Asia Nangula konima shoo ye ali a ulikwa okakadhonadhingi kuudhano mbono wali wa ningilwa mosekundeskola ya Uukule ehuliloshiwike lya piti okwali eshi holola pethimbo ta zalekwa oshishani kutya okuna elalakano nohokwe oku ulika oshipewa she shoka ena pondondo yopombanda.

Nangula okwali a kutha ombinga methigathano ndika mono ta ti kali lela ena omukumo kutya oye ta ka ninga okakadhonadhingi,oshoka omwali mwa kuthwa ombinga kaakadhona oyendji.

Nangula omulongwa mondondo onti-11 mUukule,ota ti okwali a sindanapo oshishani sho Miss 1st year mosikola yawo ta sindana ishewe methigathano lyo Miss Valentine mono ali a ulikwa 1st princess.

Ta ti okwa sindana iishani oyindji mOndangwa nokuna ehalo okuya komeho momathigathano ngaka,tati woo okuna ehalo lyokukutha ombinga methigathano lyokakadhonadhingi moNamibia.

Ester Shifotoka hasikola ko Rev Juuso Shikongo kOmuntele okwali oye a ulikwa 1st princess omanga Janine Simata ali a ulikwa oye 2nd princess.  Black Vibes ,T-Square, Super stars oshowo oongundu dhilwe dhaahikingalo odhali dha mwenyeke nomusiki uusiku wesiku ndyoka.

Omulongekidhi gwoshiindingili shika shokakadhonadhingi motonamenda ndjika Tresia Nangula okwe shi holola kutya methigathano muno omwali mwa kuthwa ombinga kaakadhona yeli 18, mbono yaza koosikola dha yoolokathana.

“Uukadhona mbuka owali wa yambuka koosikola ndhoka dhili mOshikoto,Oshana Ohangwena oshowo Omusati, uukadhona mbuno owali weshi ulike kutya otawu vulu ku kutha ombinga momathigathano goludhi nduka,nonande wali owundji otwe shi pondola oku adha pehulilo lela sho twa hogololamo okakadhona kamana hono ka dhengemo ayehe yali ya kutha ombinga,” Nangula tati.

Sandro Ithana ngono oye ali a gandja omakwatho kuukadhona mbuka nokuli omulongekidhi gwesiku ndika, okwali ati ethigathano ndino olya enda nawa lela ngaashi ali eli longekidha. Ta gwedhapo kutya  Asia Nangula ngoka a ulikwa oye dhingi methigathano lyokakadhonadhingi okuna ompito oku ka kutha ombinga muMiss High School North tali ka ningwa kuyele nuumvo.

Ithana okwali a gandja uumbindja kuukadhona mbuka wuli 18 oshali,oshowo kaanaskola ,wumwe okwali ewu gandja ashike pethimbo lyoshiindingili mbono tati okwe wu gandja oshali elalakano lyokugandja koshigwana sho hashi mu yambidhidha aluhe.

1 COMMENT

LEAVE A REPLY

Please enter your comment!
Please enter your name here