Collin Benjamin a shuna koNdowishi 

0
308

WINDHOEK – Omudhanitanga omunedhina gwaNamibia ngoka a dhana etanga uule wethimbo moliha yopombanda okwa shuna koNdowishi ongo omudheuli gwospana pondondo ontiyali.

Collin Benjamin okwa yile tango koNdowishi  omumati omugundjuka ena ashike oshitalendi shoku thanga etanga, na okwa dhanene moliha yopevi sigo oosho a ka monika po kospana yomoliha ya Ndowishi ngaashi hayi ithanwa Bundesliga.

Ngashingeyi Collymore ngaashi eshiwike nawa mokati kokuume ke okwa yelwa opo a kale omukwatheli dheuli gwospana yedhina Munich 1860, taya longo pamwe nomudheuli omukuluntu Torsten Frohling .

Ospana ndjika taya dheula ohayi dhanene moliha yopaitopolwa yo oondjoka yaadhani aagundjuka mboka yeli kohi yomimvo 21. Benjamin ota kala nokudheula ospana ndjika sigo uuna ndoka mboka ye mu pa oshinakugwanithwa shika ya tokola shilwepo kombinga yiilonga mbyoka.

Benjamin okwa yile koNdowishi pomimvo dhomayovi 2 000 omanga a li omugundjuka na okwa li tango a dhana moliha yopevi, omanga inaa kuthwapo kospana ya Hamburg .

Pethimbo ta dhanene ospana ndjika Benjamin okwa li nompito oku dhana muudhano wekopi lyomanyakwa ga Europa nenge Uefa championa league, moka a li a tsakanene naadhani aanamadhina yaluudhe ngaashi Tiery Henry gwokoFransa.

Benjamin okwa li wo a pewa uukapitiya wospana yopashigwana ya Namibia Aakwiita Omapenda nenge Brave Warriors, eyi kwatelekomeho ongo kapitiya  momaudhano gopashitopolwas goCosafa , uudhano wokupita oku kadhana kuudhana mekopi lyuuyuni.Okwa li wo oshilyo shospana ndjoka ya li ya kanitha uudhano woku ka dhana methigathano lya CAF omumvo 2008 sho ya li ya dhengwamo okoola yimwe monola kospana ya Ghana.

Kombinga yuuyelele wa gwedhwapo kombinga yoonkundathana na Collin lesha oshinyanyangidhwa shetu sho New Era .

LEAVE A REPLY

Please enter your comment!
Please enter your name here