A hala a gondwe shithike pamwe na nyamukwawo

5
966

KuLoide Jason

ONGWEDIVA – Omukiintu gwoomvula dhopakati oshiwike shika okwa holokele mombelewa yaKundana ta lili anuwa a hala opo a kale ta pewa iimaliwa shi thike pamwe na nyamunkwao ngoka eli omuhokanwa.

Paulus Frieda gwomolukanda lwaSky mOshakati okwati okwa hala woo naye a gwondwe nokukongelwa epya ngaashi nyamunkwawo ngoka eli megumbo. Omukiintu nguka okwa hala woo, omusaane ngoka a katseyike kaandjawo, nokumuningila epya komukunda.

“Ngame ngele onda toola ohandi pe ngaa nyamukwetu ndele na nyamunkwetu oha pendje wo ngaa. Ashike, omolwashike nee omusamane ite tupe shithike pamwe?

“Iihole yetu itayi ende nawa kaya, onda koka inandi pumbwa we omapiyagano ogendji. Mukwetu [omusaane] nguka tuli naye notwa kala naye uule womvula ntano ihe iniitula mo nande mohole ndjika nonkalamwenyo yandje oya tsima. Uunona uukwetu owa opala komitse ashike ngame omutse gwandje ogwa mvunyauka nayi. Ngame okwali ndishi omusamane gwandje nguka ota pendje sha gwana oku kwathela aanona yandje ashike ngashingeyi oha pendje ashike kolunguto.

“Ipula ashike omuntu ho pewa  oN$400 komwedhi. Omo tamu zi omeya niikulya noshowo oothewa nomagadhi, manga nyamunkwetu ta pewa 0N$1000 komwedhi,” Paulus ta popi ye ta hukula ehodhi.

Paulus okwati omulumentu gwe, Clemens Mazamba ngoka ena ombandi yuukoporal metanga lyaakwiita lyegameno (NDF) mOshakati  okuna nale egumbo lye lyomiti, ye okuna ishewe egumbo nomondoolopa. Tati, ngele omusamane nguka okwa hala a kale naye nemukongele ashike epya komagumbo gomiti ngaashi nyamunkwao ye a vule okumona uuhupilo.

Okwati omusamane gwe ohemushekitha nokaantu, kena esiku aniwa emu pe oshimaliwa shokwiininga nawa opo a monike nawa ngaashi aakiintu ooyakwawo.

Paulus ohalongo ashike ootendela dhokuyoga iikutu noshowo okulima omapya.

Kakele kuudhigu woshimaliwa omukiintu nguka okwa nyenyeta wo kutya omulume ohemu hepeke kolutu, nopamadhilaadhilo.

Anuwa ye nomulumentu nguka oya kala uule woomvula odhindji ashika Mazamba sigo opaife okwa kaleka ohole yawo oshiholekwa.

“Oshike nee omulumentu nguka twa kala naye oomvula ntano ashike ina hala okumonathana ofamili lyandje? Nani omwenyo gwa mwena kagu shi omwenyo omaanawa,” Paulus ati.

Tati Mazamba ohiithana aashiinda mboka haye ya megumbo eta ye mu hangene, noshiningwanimwa oshitalala osha ningwa uusiku wokupendukila Etiyali .

Tati woo oha vulu okuteleka iikulya ashike aniwa Mazamba ihali oha kutha mo ashike onyama .

“ Oshike ina hala okulya iikulya yandje ohali peni? Ngele oha kutha mo ashike okapapumbu okashona, ota ndi  hepeke ashike iikulya yandje? Oshike ngele ina hala ndje ita ethandje ashike?”

Ethimbo limwe anuwa Paulus oha teleke iikulya iiwanawa a hala ngaa ando a uve uugumbo nomuholike gwe ashike omuholike gwe kena ethimbo naye.

Sho Kundana a popi na Mazamba ngoka eli omupopi gwelakwa lyOshikavango, okwati ye oha uhala kiilonga ashike sho ta zimbuka Paulus oye hemu hindi noohapu ta ti aniwa oha kala niikumbu.

Mazamba okwati kutya  ye okuna aakiintu yeli yaali gumwe okuli kegumbo lye koRuacana na Paulus ngoka eli mOshakati molukanda lwaSky .

Ashike ye okwati iimaliwa ohemu pe shoka ena po.

Kokumonitha iihuna okwati ye ihamonitha Paulus iihuna nande nande.

 

5 COMMENTS

  1. paulus nathikame utale ethe mazamba okwa pandamo shike ye oha ningwa nai.noshikwawo okwaya pokati kondjokana yantu. ina tupumbwa okuva ihokekwa yawo tse…

  2. Takwetu popileni aantu yeli muupyakadhi wohole..iihole ngaa nasho mar meme gwaje iikwatha ike ngeno ukale noshilema shoye shoka..omuntu hopewa nokuli iimaliwa yo400 shi vulithe ngu ngeno ihopewa sha.

  3. uh meme ngono okuli ngaa moshili ngao, ta popi nawa kutya mukwao okwa hokanwa. ta tea po ondjokana yaantu. na ka tunge onkalamwenyo ye mwene. nena okwa dhiladhila taka hokanwa uunake?

  4. The woman needs psychological help. Why cant she work for her self. She wants to look good on the expense of the man’s sweat? If the person is married leave him alone. That’s how home wreckers deserve to be treated. This is a disgrace

  5. Yakwetu omukulukadhi okwa nika uulayi, opena eyooloko pokati komuntu a hokanwa naangoka ohonda. Paulus ngoka okwa pumbwa owala oku etha Mazamba oshoka ota mana po ethimbo lye. Nenge omukavango oku na sho emu pa? ppl must wake up pls. that’s not your love at all.

LEAVE A REPLY

Please enter your comment!
Please enter your name here