Mbidi  a yolo omipopyo dhelundululo moNFA

0
252

WINDHOEK – Omuperesidende omupe gwolutu talu wilike etanga lyokoompadhi moNamibia lyoNamibia Football Association (NFA) okwa ekelehi omapopyo ngoka  taga ti opena omathaneko okuninga po omalunduluko omanene maaniilonga mombelewa yaNFA sha kwatelamo naamboka yoshitopolwa shuutekenika.

Oonzo ndhoka dhili popepi nomathaneko ngoka gokulundulula odha ti  aaniilonga mboka aakulu otaya ka lundululwa kutya ngaaka mboka taya dheulwa oyo taya ka ninga aadheuli.

Ihe Frans Mbidi okwa ti kapena sha shatya ngaaka tashi dhiladhilwa okuningwa. Na ishewe ngele andola shoka osha thanekwa nena ando ye ongo omuperesidende gwo NFA oye ena oku kala komeho moshinima shika. Pethimbo ndika ye ina kundathana nando onewilikongundu lyoNFA opo pu ningwe omalunduluko taga popiwa.

Omalunduluko ngoka ga thanekwa pamahokololo inaaga kolekwa otaga ti omuwiliki pauteknika gwaNFA , Klaus Staerke, oye ta ka pewa oshinakugwanithwa shiilonga yomudheuli omukuluntu gwosipana yopashigwana, omanga omudheuli pethimbo ndika Ricardo Mannetti ota shuna pevi onkatu yimwe nokuninga omupevi gwa Staerke.

Pahapu dhaa tseyinawa omudheuli omukuluntu gwospana yomoMTC Premiership oTura Magic, Timo Tjongarero,ngoka ha longo ongo omukuluntu gwelongo mo NFA oye kwa thanekwa a pingenepo Staerke ongo omudirekta gwopauteknika po NFA.

Mbidi sho a pulwa omathaneko ngaka okwe ga yolo ashike noku ga ekelahi kutya ngoka ogo owala okwi itungila uugumbo womombepo. “Otandi tindi kutya opena omathaneko gatya ngaaka, oshoka dhimbulukwa kutya  ngame ongame andola ndina oku indila opo ngaka ga ningwe, ihe kombinga yandje kapena esiku oshinima shika sha kundathanenwe .”

Ihe Mbidi okwa zimine kutya otapa ka ningwa omalunduluko omashona moshitopolwa shasimana shuuteknika. “Otandi shi popi kutya Staerke ita ka longa we mehala ndyoka eli nena unene tuu konima sho okondalaka ye ya kwishi, Ondina einekelo kutya otaka tulwa pehala lilwe moshitopolwa shuuteknika,’

Omukuluntu gwa NFA okwa zimine kutya  ewilikongundu pitithi lyolutu nduka otlai ka kala noshigongi shalyo oshinene Olyomakaya ndjika moWindhoek. Kombanda yelandulathano lyiikundathanwa okuna edhikopo lyookommitee dha yooloka ndhoka dhina okuulikwa kewiliko lya NFA.

Uukommittee uushona mbuka otawu kalelepo, ekotampango, iiniwe, okuetapo omilandu, okuyalula, okuvulikitha, omathigathano , eulumompumbwe, uuteknika oshowo ehumokomeho

“Elalakano lyetu limwe oylo okuya komeho, otwa hala okutunga elelo  li shi oku inekelwa nolyopaithano moku kondjela oohedhinkalelo oshowo shoka sha simana ondhilo yetu mewiliko lyetanga,”

Omuwiliki gwa NFA ina lila okathima koluko sho a ulike kutya elelo mombelewa yoNFA otali ka opalekwa oshoka oyendji yomaaniilonga oya pumbwa ontseyo yiilonga.Okwa yi shika oshi li ngeyi molwashoka oyendji yomaaniilonga mbaka kayena mpoka ya longele kakele kokulongela olutu oluwiliki luudhano wetanga lyokoompadhi. Mbidi okwa ti osha simana wo okukoleka omakwatathano niikundaneki yomoshilongo.

Caption: NFA President Mbidi –

Omuperesidende gwa NFA , Frans Mbidi okwa yile ko Zurich, Switzerland, uule womasiku gaali oku ka endithwapo konima yokutaamba iilonga yewiliko lyuudhano wetanga lyokoompadhi. Oku li omuyenda gwomuperesidende gwa FIFA omusamane Sepp Blatter.

LEAVE A REPLY

Please enter your comment!
Please enter your name here