Miss na Mr Valentine uulikwa pOseko yaDr. Abraham Iyambo

0
299

EENHANA – Beauty Kamushidulu oye omukadhona omwaanawa gwesiku lyaValentine poseko yaDr. Abraham Iyambo ndjoka tayi adhika moshikandjohogololo Oshikunde moshitopolwa Ohangwena.

Kamushidulu okwa pewa oshishani shika ehuliloshiwike lyayi pethimbo lyethigathano ndika lya li lya longekidhwa penongelo ndyoka okutothamo omukadhonadhingi osho omumati kwaanawe  mokudhimbulukwa esiku lyaValentine.

Omunamimvo 17 nomulongwa mondondo 11 oye a sindana oshishani shuunzuna mesiku ndyoka poshiithanene oshiwanawa poseko ya lukilwa nakusa Omundohotola Abraham Iyambo moshikandjohogololo Oshikunde .

Kamushidulu okwa sindana molwashoka okwa fuula aagandji yiitsa mokwoopala omuzalo gwoshi Afrika, omuzalo gwoku yoga ontente, omuzalo gwokongulohi oshowo okudhenga ompadhi pevi kombanda yokastoepa hoka aawanawa ya li taya ulike ayihe komeho gaagandji yiitsa methigathano.

Kakele kaambyoka ya tumbulwa pombanda Kamushidulu okwa fuula ishewe aagandji yiitsa nomayamukulo ge ga tsa komapulo ngoka ye a li a pulwa.

Ethigathano ndika lya longekidhwa ku Hilma Mbango, amushanga posikola ndjika olyo lyotango lya ningwa mpoka okuza tuu nkene osikola ndjika ya egululilwe pambelewa kOmuperesidende Hifikepunye Pohamba omumvo gwayi. Kamushidulu okwa landulwa kaakombanda gwotango Register Nelumbu na ye wo eli mograde 11 omutiyali omulongwa mondondo 10, Mellen Shiweda.

Omumati ngoka eshi okupewa iigwana gwesiku lya Valentine okwa ulikwa Lebson Hamwele omulongwa moGrade 12 omanga omalenga ge lyotango Matheus Natangwe nelenga etiyali lye oBernard Linus ayehe oyo mondondo 12 penongelo ndyoka.

Beauty Kamushidulu, ngoka a itaala mokunkondopeka aananona yaakadhona okwa ti otaka longitha ompito ndjika okuhumitha komeho enkondopeko lyaakadhona moshitopolwa sha Hangwena ta tameke moshikandjohogololo shaandjawo Oshikunde.

“Okusindana methigathano ndika oshinima oshinene kungame okutala omuthika mpoka ndili, sho tandi ningi omukokoli gwondjila yaanona yaakadhona moshitopolwa Ohangwena. Onda hala okukala omuntu ngoka aanona yaakadhona taya kala noku ligamena noku iyeleka , nongele otandi vulu oku ya nkondopeka pamikalo dha yooloka nena shoka otashi kala osho ondjambi yandje onene,’ osho a ti.

Mbango ngoka a longekidha ethigathano ndika okwa li a fuuka ku nkene ndika lya ende , lya piti nawa shapitilila pwaashoka ali a tegelela shikale.

“Osha kutha ongundu ombwaanawa yaalongekidhi okufala ethigathano ndika kesindano enene li thike mpaka. Ihe esindano ndika ka kwali tali vulika oku adhika ando okwa li aanangeshefa  yomoshigwana shetu inaa ye tu kwathela oshowo aakwashigwana ya yooloka.

 

Ethigathano olya longekidhwa nelalakano oku tunga eiyuvo ewanawa mokati kaakadhona, oshowo okupendutha ekoko moondunge moombepo oombwanawa maanona yaakadhona. Ondi na einekelo kutya tse otwa adha elalakano ndika,” osho a ti.

Ethigathano lyahugunina olya pewa iitsa kaagandji yiitsa yaza mOhangwena, mokati kaamboka mwali  aanamadhina moshitopolwa shika ngaashi Miss Eenhana Expo and Trade Fair 2013 Saiya Maiyah Sartiel nosho tuu.

Nestor Flybek nongundu ye yaahikingalo yo Back up Plain, S4SHOO haya  imbi okwaito oyo ya li ya imbileko mboka ya li ya kala pethigathano ndika.

LEAVE A REPLY

Please enter your comment!
Please enter your name here