Okanona taka dhengagulwa, nokulumatwa koshiluli

0
302

KuLoide Jason

OMUNGHOZI- Okanona koomvula omulongo nandatu otaka mono iihuna sho taka dhengwa nokulumatwa koshiluli esiku nesiku, ngele kwa toko.

Shika oshili tashiningilwa ngashingeyi momukunda Omunghozi mOmbalantu mOmusati, ashike osha tamekele kOshitukulwa shaShikoto ovula ya ziko.

Uupyakadhi mbuka wa taalela okanona kokanasikola kedhina Natalia Titus owa tameke aniwa esiku limwe, sho kiiyadha ka lambwa komayoka gaali omanga keli menkolo kaandja yinakulu kOndonga komukunda gwedhina Amilema.

Aniwa sho a zi mpoka okwali e vu ewi tali mulombwele kutya otasi muule wethimbo efupi .

“Ewi ndyoka olya li lya lombwendje ngaaka uule ngiika womasiku gane, okuza mpoka onda tameke te dhengwa kiiluli, tayi dhenge ndje nomankawa koompanda kehe wala mpoka ndili uunene ngaa uusiku,” Titus ati ngaaka.

Titus ngoka ita dhimbulukwa nawanawa shoka lela hashi ya tango omanga inaa dhengwa okwati ombepo ndjoka otayi mu monitha iihuna nayi uunene sho ngaa tashiya piikulya .

Tati ethimbo limwe ohamono ashike sho olutu lwe lwatya nale omalumatelo ashike keshi kutya okwa lumatwa ethimbo peni nokulye.

Yinakulu gwokOmbalantu ngoka oye eli na Titus ngashingeyi okwati omutekulu gwe oha monithwa iihuna koombepo dhanyata ndhoka ngashingeyi odhili tadhi dhenge iishewe aakwanegumbo mboka haya kala na Titus nenge haya lala naye.

Shampa  Titus eli megumbo ndele ta engene poshikulya nena iikulya mbyoka oyina oku thilwa omavi sigo itayi vulu wee oku liwa.

Yimwe yomiikulya yomegumbo mbyoka hayi tilwa omavi ongaashi oshikundu, uusila noshowo oombe nomboga.

“Shampa ashike  muli pamwe naye  ota mu mono ashike nenge tamuuvu omankawa taga topa ta dhengwa oshili ngele mwapopi tamu ti kutya ‘oshike tashi dhenge okaana’ nena nasho otashi ku dhenge ishewe,” gumwe gwomaanegumbo a hokolola ngaaka.

Megumbo ndjika omuna aantu yevulithe pomulongo ihe konyala ayehe mboka ha yakala megumbo pethimbo lyoshiningwanima shika anuwa ohaya hawala ko komankawa.

Kakele kiikulya hayi hanagulwa po komutondi okanona haka opo  kaahavule okulya aniwa nomambo gako gosikola ohaga tuulwapo, opo kaa ilonge.

Kundana gamwe gomomambo ngoka ga tagulwa po aniwa koshiluli okwe ga mona  noshowo yimwe yomiiyuma mbyoka yahanagulwa megumbo.

“Sho ngaa Natalia ta kutha omambo ge iilonge sho oshiluli otashi gatuulagula po,  ngashingeyi omuntu owa lulilwa ashike, ihe ngaye onda hala ngoka ena ontseyo kutya onda pumbwa okuninga ngiini a lombwelendje opo ndikwathele omutekulu gwandje,” yinakulu ati ngaaka.

Yinakulu okwa tsikile ko woo kutya onkalamwenyo yokatekulu ke oyili moshiponga na okwa ninga oonkambadhala odhindji okumukwathela ihe inadhi kwatha sha.

Ta ti shika otashi kumitha osho shika kutya ewi ndyoka hali popi megumbo tali yamukula aanegumbo sho taya pula ngoka tadhenge okanona ,aniwa ewi ohali ti “Ongame Shihepo onda hala omwenyo gwaNatalia” .

Aniwa ewi ndyoka lyoshilumentu ohali vulu ashike okuyamukulathana naanegumbo mboka sigo taya mwena.

He ya Titus ngoka woo naye a lindimana konkalo yokaana ke okwati okwa hala ashike aantu ya kwathele okaana ke oshoka onkalamwenyo yako oyili moshiponga nayi .

He okwaninga woo onkambadhala oku kala nomwana kOshakati ete mu fala kosikola kOmbathi ashike kashiivule omutondi natango okwa lamba ko ashike.

Ashike Titus ota monika omukadhona anuka po shili nonando omutondi emulambalala.

LEAVE A REPLY

Please enter your comment!
Please enter your name here