Okupangela oipundi kwa ta po oluhepo

0
202

KuTuulikki Abraham

Luderitz- Jacobus Vries omukalimo wo modoolopa ya Liindili, okwa hovelele ongeshefa yaye yo kupangela oipundi yomashofa oshoyo yo meehauto, modula 2004.

Vries okwa tumbula kutya oshali shi djuu kuye, oku hovela ongeshefa yoludi eli nomunailonga umwe auke. Nonande adidilika kutya oilonga ei ta longo oya hokiwa koshiwana, Vries okwa tumbula kutya oshali eshongo linene kuye, shaashi kali naana ena oilongifo yawana, opo alonge oilonga ei noukeka opo ahafife ovayakulwa vaye.

Ota hokolola nghene shali shidjuu kuye opo amone nande ekwafelo loshimaliwa adule okulanda oilongifo oyo ta i pumbiwa mongeshefa yaye. Ta ti okwa indila omukulukadi waye oo ali halongo mepangelo opo adjemo moilonga, vadule okulongifapo opendjela oyo omukulukadi ta pewa yee adule oku wedapo poilongifo oyo ena.

Vries ta tumbula yoo kutya nande opendjela oyo vapulako ka yifi naanaa iyamba, oyavatela mo ku landa oilongifo nomashina taa pumbiwa.

Ou Ministeli woipindi nao yoo, owaka pulaleka oilonga yavo eshi we vapa omashina opavali, no pefimbo eli lopaife Vries okwa kuta ovanailonga veli vatanho, na otava longo ta va tula omalapi koipundi yomeetuwa, Oipundi yomeembelewa, yomomaumbo, naikwao ihapu.

Pahokololo la Vries ota tumbula kutya konyala omahangano mahapu modoolopa, mwakwatelwa neefitola dokulandifa oipundi, ohava e ta oipundi yavo ilongololwe noku tulwa oludi keshe loshiyata osho wahala.

Vries okwa tumbula kutya eshongo lilnene levataalela olo onhele , tati voovene ohavadulu okundulukapo oipundi kuvovene, ashike omolu onhele, paife oha va pangele ashike noku tuvika oipundi oyo ya pomboka ile yakulupa, voo tavei iningi ipe, naikwao.

Ongeshefa ei ohai yandje omayakulo kovakalimo vomoLiindili mwakwatelwa o Aus, oshoyo ovakalimo vomo Rhosh Pinah, osho Vries atumbula kutya okuna efaneko aka dike oshitayi ko Rosh Pinah.

LEAVE A REPLY

Please enter your comment!
Please enter your name here