Omakelegenye ga zi muudhano nonola yokakangwa  

0
200

OSHAKATI-Oosipana ndhoka dhili kombanda yoshitaafula sholiga yoNorth-West first division odhali dha dhengwa odhimbo onene ehuuliloshiwike lyaziko konima sho dhali dha kanitha uudhano, na Osipana yimwe ayike ya pondola okumona oshitsa shimwe.

Young Chiefs ndjoka yili pombanda yoliha oyali yadhengwa 2-1 ko Unam Ogongo mOlyomakaya gaziko noyali ishewe ya pupulwa koNambula United 1-0 koTsandi moSoondaha.

Golden Bees oyali ashike ya mono oshitsa shimwe konima sho yali yadhana shithike pamwe no  Black Africa Warriors 1-1 oshoka nayo oyali ya pupulwa ko Life fighter 2-1.

Golden Bigs okwali ashithwa ohoni ku Black Africa Lions 5-2 omanga Eleven warriors naye okwali anwineko omeya sho adhenge Golden Bigs 1-0.

Life Fighters okuli ali a likola iitsa yili ihamano omanga Eleven Warriors naye iitumbuko konima yesiga nokuli ngashiingeyi puutitatu okuza pombanda yoshitaafula sholiha.

Ethigathano ndika olili lela metifa nOosipina dholiha ndjika odhishishi nawa kutya ngoka taka sindanapo oliha ndjika otakaya kethigathano lyopombanda lyOosipana dhopombanda lyatseyika nawa Namibian Premier League.

Young Chiefs natango okuli oye thimba yina ongodhi methigathano ndika sho natango eli komeho niitsa yiliihamano sho athikama piitsa yili 32 ta landulwa ko Golden Bees niitsa 26, pehala etiyali opuna Eleven Warriors niitsa 26 pehala etine opuna Life Fighters niitsa 26 omanga Black Africa Warriors eli pehala etitano niitsa 25.

Young Chiefs ngele okwa tsikile takanitha uudhano we ngaashi aningi ehuuliloshiwike lyaziko nena pamwe one ki iyadha muupyakadhi wu vule oonkondo dhe.

LEAVE A REPLY

Please enter your comment!
Please enter your name here