Osipana yaMedipark popepi nesindano

0
265

OSHAKATI-Osipana yaMedipark oya tula oshikaha shimwe kekopi lyoLiha yaShana konima sho yali yadhenge omukondjithi gwayo Ohangwena Nampol muudhano mboka wali itaa wu nuwa omeya ookola 29-28.

Oosipana ndhika odhali dheya muudhano mbuka dhishishi kutya ngoka taka sindanapo uudhano pokati koosipana ndhika mbali oye taka kala ena ompito yaandjuka okusindanapo oliha, onkene shipanga okwali ta nyenge Nangolo mpeyaka po Independence stadium mOshakati.

Aayambidhidhi oyali ye wete Oosipana ndhika dhali tadhi ka ithiga othika ano 28-28 ashike mominute gwahugunina Medipark okwali aningi oshinyengandunge sho ali atulamo okoola mooseconde dhahugunina dhuudhano mbuka nokuninga eyalulo lyikale 29-28 pehulilo lyohiya yahugunina.

Ohangwena Nampol oyaningi onkalamwenyo yawo ondhigu konima sho ya kanitha uudhano mbuka na oya tegelelwa opo yi sindanepo omaudhano gawo agehe ngoka gahupako ngele oya hala okunenepeka ompito yawo yokusindanapo uudhano mbuka.

Ashike shika otashi ka vulika ashike ngele Medipark ina vula okusindanapo uudhano we wa hugunina, ano ngele Medipark okwa sindanapo uudhano we nena oye taka toolapo ekopi lyoliha ndyoka ali asindanapo omumvo gwayi.

Miizemo yimwe 263 BN Netball Club okwali adhenge Benz Netball Club 42-14, Tropical Heat Netball Club 21-43 KK Palace Ongwediva Medipark 29-28 Ohangwena Nampol ,Tropical Heat Netball Club 29-26,  263 BN Netball Club,Ngwediva Medipark Netball Club 74-4 Benz Netball Club omanga KK Palace Netball Club yali ya dhengemo Brave Lions 38-27.

Ongwediva Medipark oyili komeho niitsa 28 omanga Ohangwena Nampol yili piitsa 24, Ohangwena oyina uudhano uwali meke omanga Medipark okunako ashike uudhano wumwe.

Edhingoloko lyahugunina otali kakalako ehuuliloshiwike ndika pokapale ko Independence Stadium moshakati.

LEAVE A REPLY

Please enter your comment!
Please enter your name here