Va deulilwa okuhondja oule wodula

0
288

KuTuulikki Abraham

Luderitz – Ovanhu veli 13 ova pelwe eedjapo davo oshivike shaya, konima eshi va kala mo madeulo okulihonga okuhondja oule wodula pOkakovelwa Trading and Tailoring project mo Liindili.

Omuyandji wo madeulo Petrus Amutenya okwa tumbula, kutya yee mwene okwa monene omadeulo okuhondja pofikola yokuhondja mOndangwa yedina Ondjiva, okuhovela modula 1990 fiyo 1991.  Amutenya okwa tumbula kutya okwa hovela okuyandja omadeulo okuhondja modula 2013, ha deula eengudu dopatatu mefiku. Okwa tumbula kutya omolu onhele eshi ishona novanhu vamwe ohavai koilonga voo va hala velimonene ounongo wokuhondja , omadeulo ohaa tameke okudja po 08h00 fiyo opo tundi 12h00, nokuhovela 13h00 fiyo 17h00 ongudu ya xuuninwa ohaihovele potundi 17h00 fiyo 20h00, okudja Omaandaxa fiyo Etitano.

Ta tumbula kutya ovanhu ovena ehalo lokuhovela omadeulo , ngaashi paife okuna ovalongwa vefike 16 aveshe ovakainhu. No nande ou ta yandje omadeulo omulumenhu yee mwene okwa tumbula kutya ovalumenhu navo na va fikame opo ngaa vakale noku li kongela omaunongo oludi ngaali. Umwe womwaavo vapewa eedjapo Ndapewoshali Petrus okwa tumbula kutya okwalikola ouyamba wokuhondja, nokwelilongekida opo eke ulongife, moku keli unganeka, noku ka fikamifapo oshihondjelo opo adulule okulongifa ounhongo oo a likola noku ka yandja yoo oilonga moshiwana.

Amutenya eshi amana omadeulo okuhondja modula oyo 1991 kOndangwa, okwa a lukila ko Liindili  nokwa hovela okuhondja , yeehai ngaa aka helufune oilonga yoku yula eeshi mefuta. Konima okwa ka efa filu oilonga yo kuya mefuta , nokukala ashike elipyakidila nokuhondja. Oilonga yokuhondja ya Amutenya oya hokiwa kovakalimo vahapu mo doolopa. Oha hondjo unene oikutu yomakoleko , Yovanafikola ava veli mondodo 12 ngee tava ningi omalekelo ofikola, yaavo tava kufa ombinga moku uulika okakadona dingi, eedede noikutu younghubi no ku hondja yoo oidjalomwa  yoshi Afrika naikwao.

LEAVE A REPLY

Please enter your comment!
Please enter your name here